Qoǵam • 03 Aqpan, 2022

Senator turǵyn úı jaldaý úshin ótemaqy alatyn polıseılerdiń tizbesin keńeıtýdi usyndy

200 ret

kórsetildi

1 mın

oqý úshin

Turǵyn úıdi jalǵa alý úshin ótemaqy ala alatyn ishki ister organdary qyzmetkerleriniń tizbesin keńeıtý qajet. Senator Nurlan Beknazarov Premer-Mınıstrdiń atyna joldaǵan depýtattyq saýalynda osyndaı usynys aıtty, dep habarlaıdy Egemen.kz.

Gaýhar QAPASh

Senator turǵyn úı jaldaý úshin ótemaqy alatyn polıseılerdiń tizbesin keńeıtýdi usyndy

«Ishki ister organdarynyń vedomstvolyq turǵyn úı qory joq. Sondyqtan Ishki ister mınıstrligi qyzmetkerlerge turǵyn úıdi jaldaý úshin ótemaqy tóleýmen shekteledi. Alaıda, bul tólemderdi barlyq qyzmetker ala almaıdy. О́ıtkeni turǵyn úı tólemderin alý úshin qyzmetkerlerdiń jekelegen sanattarynyń tizbesin Úkimet aıqyndaıdy. Soǵan baılanysty búginde ishki ister organdary qyzmetkerleriniń 28 paıyzǵa jýyǵy baspanaǵa muqtaj», dedi senator.

Nurlan Beknazarov bul problema kadrlardyń turaqtamaýyna, ishki ister organdary qyzmetkerleriniń jumysqa degen jaýapkershiligi men yntasynyń tómendeýine tikeleı áser etedi dep esepteıdi.

Senator osy máselelerdi sheshý úshin Premer-Mınıstrden tıisti, qajet bolsa qoldanystaǵy zańnamaǵa ózgerister engizýdi talap etetin sharalar qabyldaýdy surady.