Úkimet • 03 Aqpan, 2022

Úkimet ulttyq rejımnen shyǵarý týraly qaýly qabyldady

470 ret

kórsetildi

1 mın

oqý úshin

Úkimet «Ulttyq rejımnen shyǵarýdy belgileýdiń keıbir máseleleri týraly» qaýly qabyldady, dep habarlaıdy Egemen.kz.

Gaýhar QAPASh

Úkimet ulttyq rejımnen shyǵarý týraly qaýly qabyldady

Qujat qoldanystaǵy óndiristik qýattardy júkteýdi, jumys oryndaryn saqtaýdy qamtamasyz etedi jáne tutastaı alǵanda otandyq jeńil, jıhaz jáne mashına jasaý ónerkásibin odan ary damytýǵa yntalandyrady dep kútiledi.

Memlekettik satyp alýdyń ulttyq rejıminen bosatý eki jyl boıy áreket etedi.

Indýstrııa jáne ınfraqurylymdyq damý mınıstrligi memlekettik satyp alý jónindegi ýákiletti organǵa taýarlar, jumystar, kórsetiletin qyzmetterdiń biryńǵaı anyqtamalyǵyna sáıkes kodtary bar jıhaz jáne jeńil ónerkásip taýarlarynyń tizbesin usynǵan.

Memlekettik satyp alýdaǵy ulttyq rejımnen shyǵarý – Eýrazııalyq ekonomıkalyq odaqqa múshe bir memlekettiń úkimeti aktisimen belgilenetin, basqa múshe memleketterdiń áleýetti ónim berýshilerdiń (merdigerler, birlesip oryndaýshylar) memlekettik satyp alýǵa qatysýǵa qoljetimdiligin shekteıtin belgili bir taýarlarǵa (jumystarǵa, qyzmetterge) nemese ekonomıkanyń jekelegen salalarynda júzege asyrylatyn memlekettik satyp alýlarǵa qoljetimdilikti shekteýge qatysty rásimder.