Talaı tuǵyrly tulǵalardyń izi qalǵan kıeli sahna kózi qaraqty kórermen úshin árqashan ystyq.
О́z kezeginde bıyl atalǵan ujym mereıli mejede teatr súıer qaýymdy kóptegen jańa premeramen qýantpaq. Sonyń biri – tusaýy kesilgeli otyrǵan «Aınalaıyn» psıhologııalyq dramasy. Premera búgin saǵat 18:30-da jáne 5, 6 aqpan kúnderi saǵat 17:00-de ótedi.
«Aınalaıyn» – tájik dramatýrgi jáne rejısseri Barzý Abdýrazakovtyń pesasy ekenin aıta ketkenimiz jón. Er jetip qalǵan ul men ana arasyndaǵy tartysty drama qazirgi qoǵamnyń kóńil kúıin dál sýretteıdi. Shynynda da, bala eseıgen saıyn ózin baǵyp-qaqqan, ósirip, er jetkizgen ata-anadan alshaqtaı beredi. Qarapaıym qońyraý shala salýdyń ózi qıyn sharýadaı kórinedi.
Mánisi tym tereńde jatqandaı. Psıhologııalyq drama osyǵan jaýap izdeıdi.
Pesany aýdarǵan Ulpan Toqaeva bolsa, qoıýshy rejısser Aıdyn Salbanov.
