Respýblıka boıynsha barlyǵy 151 192 baspana, onyń ishinde 41 250 jeke turǵyn úı paıdalanýǵa berildi. Salaǵa salynǵan ınvestısııa kólemi 2,4 trln teńgege jetip, 2020 jyldyń sáıkes kezeńine qaraǵanda 19,1% artty.
Turǵyn úıdi paıdalanýǵa berý kólemi arǵy jylmen salystyrǵanda barlyq óńirde derlik ósken. Atap aıtqanda, Mańǵystaý (119%), Aqmola (115,8%), Jambyl (112,9%), Pavlodar (112,3%) oblystary, sondaı-aq Almaty qalasy (116,6%) jáne Shymkent qalasy (116,1%) kósh basynda.
Osy rette Qaraǵandy (98,5%) jáne Qyzylorda (93,8%) oblystaryn qospaǵanda, Qostanaı (109,8%), Almaty (109,7%), Shyǵys Qazaqstan (107,4%), Atyraý (106,2%), Soltústik Qazaqstan (105,8%), Batys Qazaqstan (105,1%), Túrkistan (104,1%), Aqtóbe (104%) oblystarynda, Nur-Sultan qalasynda (104,6%) oń serpin baıqalady.
