Almaty ákimi Ortalyq qalalyq klınıkalyq aýrýhananyń qyzmetkerlerimen kezdesip, telemedısına ortalyǵy men medısınalyq mekeme bólimsheleriniń jumysymen tanysty.
Kezdesý barysynda Erbolat Dosaev aýrýhana qyzmetkerlerine qańtardaǵy qaıǵyly oqıǵalar kezinde qyzmettik boryshyn kásibı deńgeıde atqarǵany úshin alǵys aıtty.
Qyzmetkerler jaraqat alǵandar men zardap shekkenderge, bas-mı jaraqattary men atys jaraqattary bar áskerı jáne azamattyq tulǵalarǵa kómek kórsetti.
Qańtardyń qaıǵyly oqıǵalary kezinde klınıkaǵa barlyǵy 300-den astam zardap shekkender júgindi. Dárigerler 250-den astam ota jasady. Kóptegen pasıentterge olardyń jaǵdaıyn turaqtandyrý jáne ómirge qaýip tóndirmeý úshin shuǵyl otalar jasaldy.
Qala basshysy qabyldaý bóliminiń, operasııalyq zaldyń, reanımasııa jáne oftalmologııalyq bólimsheniń jumysymen de tanysty. Ol, sondaı-aq balalarǵa shuǵyl medısınalyq kómek kórsetý ortalyǵynyń jańa korpýsy qurylysynyń barysyn baǵalady. Nysandy jyl sońyna deıin paıdalanýǵa berý josparlanýda.
