«Bárimizge belgili, salyqtar ekonomıkany retteýdiń, ulttyq tabysty qaıta bólýdiń, sondaı-aq bıznesti damytýdy yntalandyrýdyń negizgi quraldarynyń biri bolyp tabylady. Sondyqtan salyq salý salasy únemi jetildirýdi talap etedi. Sońǵy jyldary shaǵyn kásipkerlikti damytýǵa basa nazar aýdaryldy. Osylaısha, arnaıy salyq rejımderin qoldanatyn mıkro jáne shaǵyn bıznes sýbektileri 2020-2022 jyldar aralyǵynda tabysqa salynatyn salyqtardan bosatyldy. Sonymen qatar mıkro jáne shaǵyn bıznesti tekserýge moratorıı engizildi. Bul sharalar 1 mıllıonnan astam bıznes sýbektilerin qamtıdy», dep jazdy Álibek Qýantyrov depýtattyq saýalǵa bergen jaýabynda.
Ol osy turǵyda bıznesten qyzmetti, onyń ishinde qolma-qol aqshasyz esep aıyrysý quraldaryn paıdalaný arqyly adal jáne ashyq júrgizý talap etiletinin atap ótti.
«Bul ekonomıkany «qonystandyrý» úshin, ásirese kóleńkeli aınalymdardyń aıtarlyqtaı úlesi saqtalyp otyrǵan saýda jáne qyzmet kórsetý salalarynda qajet. Ulttyq Banktiń derekteri boıynsha 2019-2020 jyldar kezeńinde qolma-qol aqshasyz tranzaksııalar sany 2,4 eseden astamǵa ósip, 35,3 trln teńgege jetti, tólem kartalaryn paıdalana otyryp qolma-qol aqshaǵa aınaldyrý kóleminiń 2015 jylǵy 89,6%-dan 2020 jyldyń qorytyndysy boıynsha 32,6%-ǵa deıin qarqyndy tómendeýi baıqalady. Alaıda, mobıldik aýdarymdar arqyly kelip túsetin aqshalaı qarajat salyq salýdan bosatylǵanyna qaramastan, kásipkerlerdiń kiristerinde kórsetilmeıdi. Osylaısha, mundaı kiristerdi esepke alý máselesin zańnamalyq retteý talap etildi jáne 2021 jyly salyq zańnamasyna tıisti ózgerister engizildi. Osylaısha, mobıldik aýdarymdar arqyly alynǵan kásipkerlerdiń tabystary boıynsha málimetter alý kiristerdi esepke alýǵa jáne kóleńkeli aınalymdardy azaıtýǵa baǵyttalǵan», dep túıindedi mınıstr.
