«Ol úshin 1 mlrd teńge kóleminde qarjylandyrý bólindi. Osylaısha, Kishi Taldykóldegi sý balansyn saqtaı otyryp, rekreasııalyq aımaq qurý boıynsha jobalaý-smetalyq qujattama ázirlenýde. Kishi Taldykóldegi ekopark jobasy (E-10 kóshesi, «Zelenyı kvartal» TK qarama-qarsy) sý qoımasyn abattandyrýdy qarastyrady: sý qoımasynyń boıynda sýdyń tabıǵı súzilýin jáne qajetti ekojúıeni qurýǵa múmkindik beretin tas jaǵalaý bolady. Sondaı-aq, sý deńgeıin qamtamasyz etý jáne ottegimen birkelki qanyqtyrý úshin bıodrenajdyq júıeni uıymdastyrý jáne sý qoımasyn aerasııalaý qarastyrylǵan», delingen qalalyq ákimdiktiń Instagram paraqshasynda jarııalanǵan habarlamada.
Sonymen qatar, ekoparkta serýendeý ınfraqurylymy paıda bolady: jaǵalaýdaǵy sýly-batpaqty jerlerde terrassalyq jaǵalaý saqtalady jáne flora men faýnasy bar ekoklımat úshin jaǵdaı jasalady.
Ákimdiktiń málimetinshe, Taldyqóldiń ózinde óziniń ekologııalyq ınfraqurylymy bolady. Úlken Taldykól kóliniń janynda qoryq jáne orman-saıabaq aımaǵy bar elimizdegi alǵashqy tabıǵı park paıda bolady.
Ýrbanıstıka ortalyǵynyń bazasynda, sondaı-aq Esil aýdanynyń ákimdiginde sáýlet, qala qurylysy jáne jer qatynastary basqarmasynyń jáne qorshaǵan ortany qorǵaý jáne tabıǵatty paıdalaný basqarmasynyń basshylary Kishi Taldykóldiń máselesi boıynsha ekobelsendilermen, ekologtarmen jáne belsendi turǵyndarmen birneshe ret kezdesýler ótkizdi.
