Kezdesý barysynda Memleket basshysy Qazaqstannyń Eýropa Odaǵymen aradaǵy strategııalyq seriktestik pen yntymaqtastyqty odan ári nyǵaıtýǵa basa mán beretinin aıtty.
Memleket basshysy Eýropalyq Keńestiń Prezıdenti Sharl Mıshelge 10 qańtardaǵy beınebaılanys rejıminde ótken kezdesý barysynda elimizdi qoldap sóılegeni jáne yntymaqtastyqty nyǵaıtýǵa senim bildirgeni úshin rızashylyǵyn aıtyp, sálemin joldady.
Qasym-Jomart Toqaev Terı Hakalanyń ótinishi boıynsha elde oryn alǵan «qasiretti qańtar» oqıǵasy jóninde baıandap, Bas prokýratýraǵa bolǵan oqıǵaǵa qatysty tergeý jumystaryn ashyq ári ádil júrgizý jóninde tapsyrma berilgenin aıtty. Memleket basshysy adam quqyqtary men bostandyǵynyń saqtalýy elimizdegi barlyq bılik tarmaǵy úshin basymdyq sanalatynyna nazar aýdardy.
Qazaqstan Prezıdenti saıası júıeni odan ári jańǵyrtýǵa jáne áleýmettik teńsizdikti sáıkestendirýge, ulttyq ekonomıkany ártaraptandyrýǵa baǵyttalǵan Jańa ekonomıkalyq baǵdardy iske asyrý jospary jóninde de egjeı-tegjeıli aıtyp berdi.
Qasym-Jomart Toqaev Eýropa Odaǵymen yntymaqtastyqtyń barlyq baǵyty boıynsha tyǵyz baılanystardy damytýǵa jáne buǵan deıin qol jetkizilgen ýaǵdalastyqtardy tolyqqandy júzege asyrýǵa nıetti ekenin jetkizdi.
О́z kezeginde Terı Hakala Brıýsseldiń Qazaqstanmen aradaǵy baılanystardy damytýǵa múddeli ekenin aıtyp, Prezıdentke mazmundy ári paıdaly pikir almasqany úshin alǵys bildirdi.
Kezdesý sońynda Terı Hakala Eýropa Odaǵy Qazaqstan Prezıdentiniń saıası reformalaryn tolyq qoldaıtynyn jáne elimizdiń órkendeýine, turaqtylyǵyna múddeli ekenin qosa aıtty.
