«2021 jylǵy áleýmettik-ekonomıkalyq damý qorytyndylary boıynsha jalpy ishki ónimniń ósimi 4 paıyzdy qurady. Naqty sektor turaqty ekonomıkalyq ósýdiń negizgi faktoryna aınaldy. О́nerkásip óniminiń kólemi 8,38 paıyzǵa jetti. Taý-ken ónerkásibin esepke almaǵanda, negizgi ekonomıkaǵa ınvestısııa 9,5%-ǵa ósti. Tikeleı sheteldik ınvestısııa ótken jyldyń toǵyz aıynda shamamen 50 paıyzǵa ósip, 18,8 mıllıard dollardy qurady», dedi Álıhan Smaıylov.
Sondaı-aq Úkimet basshysy 11 aıdyń ishinde sheteldik ınvestısııany tartýda birshama ósim baıqalǵanyn atap ótti.
«Sonymen qatar ótken jyldyń 11 aıynyń qorytyndysy boıynsha syrtqy saýda aınalymy 15,4%-ǵa ósip, 91,4 mlrd dollarǵa jetti. Taýar eksporty 25%-ǵa ósip, 54,5 mlrd dollardy, ımport 4,2%-ǵa ósip, shamamen 37 mlrd dollardy qurady», dedi Álıhan Smaıylov.
