HHHVIII Saraevo qysqy festıvaliniń resmı ashylý saltanatynda TÚRKSOI uıymynyń Bas hatshysy Dúısen Qaseıinov gýmanızmge, mádenıetke, adam quqyqtary men bostandyqtaryna qosqan úlesi úshin «Bostandyq» syılyǵymen (Sloboda syılyǵy) marapattaldy.
XXXVIII Saraevo qysqy festıvaliniń resmı ashylý saltanaty 7 aqpan kúni Bosnııa jáne Gersegovına Qarýly Kúshteri armııasynyń úıinde ótti.
Saraevo festıvali 1984 jyldan beri ótkizilip kele jatyr, sondaı-aq festıvaldiń bıylǵy urany «Meniń jańa joly ónerim» degen ataýmen ótkizilip jatyr.
Is-sharalar 21 naýryzǵa deıin jalǵasady. Festıvaldiń ashylýyna Saraevo joǵary mýzyka mektebi, Eski Iаıche qalasynyń rysarlary, Saraevo mýzykalyq mektebiniń jas ártisteri, festıvaldiń vıolonchelshisi jáne mádenıet elshisi Belma Alıch qatysty.
Sondaı-aq, festıval Balqan aımaǵynyń túkpir-túkpirinen jınalǵan mádenıet jáne óner qaıratkerleriniń basyn qosty. XXXVIII Saraevo qysqy festıvaliniń qurmetti qonaǵy retinde Túrki mádenıeti halyqaralyq uıymynyń (TÚRKSOI) Bas hatshysy Dúsen Qaseıinov qatysty.
Festıvaldiń ashylý saltanatynda Halyqaralyq beıbitshilik ortalyǵy 10 jeltoqsan Dúnıejúzilik adam quqyqtary kúni aıasynda gýmanıstik, mádenıet pen quqyqty damytýǵa erekshe úles qosqan tulǵalarǵa «Bostandyq» syılyǵyn tabys etti.
TÚRKSOI uıymynyń Bas hatshysy Dúısen Qaseıinov óz sózinde 10 jeltoqsan Dúnıejúzilik adam quqyqtary kúni merekesine oraı 28 jyldan beri berilip kele jatqan bul mańyzdy marapattyń ózi úshin erekshe mańyzdy ekenin aıtyp, qabyldaý komıssııasy men uıymdastyrý komıtetine alǵysyn bildirdi.
«Bul joǵary marapattyń XXXVIII Saraevo qysqy festıvaliniń resmı ashylýynda tabystalǵanyna óte qýanyshtymyn. Saraevo festıvali Bosnııa jáne Gersegovınadaǵy eń tanymal, bedeldi jáne dástúrli festıvalderdiń biri, sondaı-aq, TÚRKSOI uıymy Balqan túbeginde jumys isteı bastaǵanyna da 7 jyl toldy.
Osy múmkindikti paıdalana otyryp, osy marapatqa ıe bolý jolynda árqashan menimen birge bolǵan, moraldyq jáne materıaldyq qoldaý kórsetken tulǵalarǵa, túrki respýblıkalarynyń mádenıet jáne óner qaıratkerlerine shynaıy alǵysymdy bildirgim keledi», dedi Bas hatshy.
10 jeltoqsan Dúnıejúzilik adam quqyqtary kúnine oraı Saraevo halyqaralyq beıbitshilik ortalyǵy (IPC) 28 jyl boıy tabystap kele jatqan «Bostandyq» syılyǵynyń laýreattary arasynda Horvatııanyń burynǵy prezıdenti Ivo Iosıpovıch, Mıanma saıasatkeri Aýn San Sý Chjı, brıtandyq Garrı Potterdiń avtory Djoan Ketlın Roýlıng, IýNESKO-nyń 10-shy bas dırektory Irına Bokova, Rım Papasy Fransısk jáne Angela Merkel bar.
