«Mádenıet qyzmetkerleriniń aldynda kezdesetin birqatar máseleler bar. Birinshisi, árıne, kitaphana júıesi qyzmetkerleriniń tómen jalaqysy. Eńbek ótili men bilimine baılanysty ortasha jalaqy 72 myń teńgeni quraıdy. Tıisinshe, eger jas maman jumysqa kelse, onda ol nebári 50 myń teńge alatyn bolady. Bul úlken soma emes. Osydan kadr jetispeýshiliginiń máselesi de týyndaıdy», dedi Sanat Shapashov qalalyq máslıhattaǵy Áleýmettik-mádenı damý máseleleri jónindegi turaqty komıssııanyń otyrysynda.
Ol búgingi tańda Qazaqstan boıynsha kitaphanashylardy daıyndaıtyn tek tórt oqý núktesi bar ekenin, onda orta bilim alýǵa jáne «kitaphanashy» mamandyǵy boıynsha bir ǵana joǵary bilim alýǵa bolatynyn atap ótti.
«Bul tórt oqý orny Kókshetaý, Qaraǵandy, Shymkent, Almaty qalalarynda ornalasqan. Kadrlar damymaıdy, óspeıdi, biliktiligin arttyrmaıdy, qosymsha bilim almaıdy. Jastar arasynda mamandyq tanymal emes, eshkim kitaphanashy bolǵysy kelmeıdi», dep atap ótti mádenıet basqarmasynyń basshysy.
