«О́zara tıimdi yntymaqtastyqtyń zor áleýetin eskere otyryp, saıası, ekonomıkalyq, ınvestısııalyq jáne mádenı-gýmanıtarlyq baılanystardy tereńdetýge ózara umtylysty rastady», dedi Qasym-Jomart Toqaev kelissózder qorytyndysy boıynsha BAQ ókilderine arnalǵan birlesken málimdemede.
QR Prezıdenti atap ótkendeı, taraptar ózara saýdanyń oń qarqynyn saqtaýǵa kelisti.
«Shynynda da, karantındik sharalarǵa qaramastan, ótken jyly eń joǵary nátıjege qol jetkizildi, saýda kólemi 21 mlrd dollardan asty. Reseılik kompanııalar Qazaqstan ekonomıkasynyń jetekshi ınvestorlarynyń bestigine kiredi. Bul kompanııalardyń salymy 17 mlrd dollardan asty», dedi Qasym-Jomart Toqaev.
Eske sala ketsek, búgin Máskeýde Qazaqstan Prezıdenti Qasym-Jomart Toqaev pen Reseı Prezıdenti Vladımır Pýtın joǵary deńgeıdegi kelissózder ótkizdi, onyń barysynda eki eldiń kópjosparly strategııalyq áriptestigin damytý perspektıvalary qaraldy.
