«Bul Qazaqstanda oryn alǵan qańtar oqıǵalarynan keıingi birinshi kózbe-kóz kezdesý. Shyn máninde, Qazaqstan ishki jáne syrtqy destrýktıvti kúshterdiń tikeleı qatysýymen jasalǵan terrorıstik agressııa aktisine tap boldy», dedi Vladımır Pýtın QR Prezıdenti Qasym-Jomart Toqaevpen kelissózderden keıingi baspasóz barysynda.
RF basshysy Prezıdent Toqaevtyń nyq ustanymynyń jáne Reseıdiń, Ujymdyq qaýipsizdik týraly shart Uıymynyń barlyq odaqtastarynyń tabandy qoldaýynyń arqasynda eń qysqa merzimde jaǵdaıdy baqylaýǵa alýǵa, zańdy, tártipti qalpyna keltirýge, Qazaqstan jerine beıbitshilik pen tynyshtyqty qaıtarýǵa qol jetkizilgenin atap ótti.
«Bul rette UQShU týyndaǵan qaýip-qaterlerge tıimdi áreket etý, qatysýshy memleketterdiń qaýipsizdigi men múddelerin qorǵaý úshin bitimgershilik kúshterdi jedel iske qosý qabiletin aıqyn kórsetti», dep túıindedi V. Pýtın.
