О́zara tıimdi qoǵamdyq ǵylymı-óndiristik jáne mádenıet salalary boıynsha áriptestik jumystardyń tıimdiligin arttyrý maqsatynda Almaty qalasynyń Mádenıet basqarmasynyń basshysy Ǵanı Maılybaev jáne Abaı atyndaǵy Qazaq ulttyq pedagogıkalyq ýnıversıteti kommersııalyq emes aksıonerlik qoǵamynyń Basqarma Tóraǵasy-Rektor Darhan Bılıalov qol qoıylǵan memorandým kelesideı múmkindikterge jol ashady: Basqarmanyń qurylymdyq bólimderi men mekemeleri jergilikti ózin-ózi basqarý jumystaryn damytý baǵytynda otandyq jáne sheteldik ǵylymdardyń jańa jetistikterin engizý úshin, ýnıversıtettiń - «5V050500-Aımaqtaný», «8D03110- Regıonovedenıe», «6V02202-Tarıh (ǵylymı baǵyty)», «5V020300-Tarıh» mamandyǵynyń bakalavrıat, magıstratýra, doktorantýradaǵy bilim alýshy-zertteýshileriniń ǵylymı-óndiristik tájirıbelerin júrgizýge qoldaý kórsetedi jáne mádenı qarym-qatynastardyń ornaýyn ári qaraı tereńdetedi.
Kelisim aıasynda ýnıversıtet stýdentteri Almatynyń mádenıeti men rýhanı ómirine belsendi túrde aralasady, sonyń ishinde shalǵaı aımaqtardan kelgen jastardyń azamattyq daǵdylary men tulǵalyq qasıetteriniń jan-jaqty damýyna tárbıeleıtin qalanyń tarıhı nysandaryna barýǵa keń múmkindik beredi.
Kezdesýge qatysýshy taraptar iskerlik-yntymaqtastyq qarym-qatynastardy jandandyrýdan bólek, Rýhanı jańǵyrý memlekettik baǵdarlamasynyń mańyzdylyǵyna toqtalyp, sol baǵytty kúsheıtý maqsatynda serpin beretin ortaq jobalardy damyta berýge ýaǵdalasty.
Ýnıversıtettiń Basqarma Tóraǵasy-rektor Darhan Bılıalov, Yntymaqtastyq kelisim-shartyn jasaýǵa qoldaý bildirgen Almaty qalasy Ákimdigine, Mádenıet basqarmasynyń basshylyǵyna erekshe alǵysyn aıtyp, ózara árekettestik qyzmetterdiń nátıjeli bolatyndyǵyna zor senim bildirdi.
ALMATY
