Pavlodar oblysy PD málimetinshe, 13 aqpanda saǵat 16.20-da Lenınskıı - Ertis - Rýsskaıa Polıana tasjolynda, О́tes aýylynan tórt shaqyrym jerde jantúrshigerlik jol apaty boldy.
«Audi 100 kóliginiń 35 jastaǵy júrgizýshisi jyldamdyqty asyryp, Toyota Camri 20 kóligine soqtyǵysty. Oqıǵa saldarynan Audi 100 kóliginiń 26 jastaǵy jolaýshysy oqıǵa ornynda qaza boldy. Osy kóliktiń júrgizýshisi men 2013 jyly týǵan jolaýshy, sondaı-aq Toyota Camri kóliginiń 24 jastaǵy júrgizýshisi men 4 jolaýshy túrli dene jaraqattarymen aýrýhanaǵa jetkizildi», dedi Pavlodar oblysy Polısııa departamenti bastyǵynyń birinshi orynbasary Jasqaırat Qaıyrov.
Polıseılerdiń málimetinshe, kólikter mamandandyrylǵan aıyp turaǵyna qoıylǵan. Bul fakt boıynsha tergeý amaldary júrgizilip jatyr.
Qazir dárigerler jansaqtaý bólimine túsken úsh zardap shegýshini aman alyp qalýǵa bar kúshin salyp jatyr. Úsh naýqastyń da mıy shaıqalǵan jáne basqa da aýyr jaraqattar alǵan.
