Koronavırýs • 14 Aqpan, 2022

Densaýlyq mınıstrligi Pfizer-diń mıllıon dozasyn jetkizýdi josparlap otyr

46 ret kórsetildi

QR Densaýlyq saqtaý mınıstri Ajar Ǵınııat «Pfizer» kompanııasynyń «Komırnatı» vaksınasyna qol jetimdi halyq tobyn atady, dep habarlaıdy Egemen.kz.

«Búgingi tańda «Pfizer» kompanııasynyń «Komırnatı» KVI-ǵa qarsy vaksınasy Qazaqstan aýmaǵynda qoldanylatyn basqa vaksınalar resmı usynylmaǵan halyq toptary úshin qoljetimdi. О́zderińiz biletindeı, bul toptarǵa 12 jastan 17 jasqa deıingi jasóspirimder, júkti áıelder men laktasııa kezeńindegi áıelder kiredi. Qazirgi ýaqytta osy vaksınamen egiletin kontıngentterdi keńeıtý boıynsha sharalar qabyldandy», dedi Ajar Ǵınııat depýtattyq saýalǵa bergen jaýabynda.

Ol búgingi kúni Dúnıejúzilik densaýlyq saqtaý uıymy maquldaǵan vaksınalarmen koronavırýsqa qarsy vaksınasııalaý jáne qaıta vaksınasııalaý júrgizý bastalǵanyn eske saldy:

1) Qazaqstan Respýblıkasynyń múddelerin halyqaralyq deńgeıde bildirý maqsatynda shetelge shyǵatyn adamdarǵa;

2) Qazaqstan Respýblıkasy Bilim jáne ǵylym mınıstrligi usynǵan tizim boıynsha rastaıtyn qujattardy (stýdenttik vıza, oqý ornynan shaqyrý) usynǵan kezde «Bolashaq» halyqaralyq stıpendııasyn ıelenýshilerge jáne úkimetaralyq kelisimder/sharttar, onyń ishinde akademııalyq utqyrlyq sheńberinde shetelge oqýǵa jiberiletin adamdarǵa jáne olardyń otbasy múshelerine beriledi;

3) Sheteldik oqý oryndaryna óz betinshe túsken jáne úkimetaralyq kelisimder nemese akademııalyq utqyrlyq sheńberinde oqıtyn stýdentterge jáne «Work and travel» baǵdarlamasy boıynsha shyǵýdy josparlap otyrǵan stýdentterge jáne olardyń otbasy múshelerine QR BǴM usynǵan tizim boıynsha rastaıtyn qujattardy (stýdenttik vıza, oqý ornynan shaqyrý) usynǵan kezde;

4) Qazaqstan Respýblıkasynan tys jerlerde emdelý qajettiligin rastaıtyn qujattardy usynǵan kezde shetelde emdelýge jiberiletin pasıentterge, sondaı-aq olardy emdeý úshin alyp júretin adamdarǵa beriledi.

«Sondaı-aq, qazirgi ýaqytta halyqtyń basqa da osal toptary úshin vasına qoljetimdiligin qamtamasyz etý úshin «Pfizer» kompanııasynyń «Komırnatı» vaksınasyn 1 mln doza kóleminde jetkizý máselesi pysyqtalýda», dep túıindedi mınıstr.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar