Bul týraly QR Ulttyq mýzeı dırektory Arystanbek Muhamedıuly facebook paraqshasynda jazdy.
«Qurmetti dostar, tanymal kıno jáne teatr akteri, telejúrgizýshi, Qazaqstannyń eńbek sińirgen qaıratkeri Azamat Satybaldyny T.Q. Júrgenov atyndaǵy Qazaq ulttyq óner akademııasynyń rektory bolyp taǵaıyndalýymen shyn júrekten quttyqtaımyn!
О́ner adamynyń taǵdyry erekshe!
Qalyń kórermen qaýym Azamatty teatr jáne kıno óneriniń damýyna ólsheýsiz úles qosyp júrgen daryny erekshe óner ıesi retinde tanıdy.
Stıven Kıngtiń «Tabysty adam men talantty adamnyń jalǵyz aıyrmashylyǵy – erinbeı eńbek etýinde» degen keremet sózi bar.
Biliktiligi men bilimin, iskerligi men jigerin oraıly ushtastyra bilgen Azamattyń qazaq óneriniń bolashaqtaǵy bet-beınesin qalyptastyratyn naǵyz kásibı mamandar daıyndaý baǵytynda barlyq qarym-qabiletin jumsaıtynyna senimim mol.
Azamat Satybaldyulyn jaýapty qyzmetke taǵaıyndalýymen quttyqtaı otyryp, aldaǵy qyzmetine səttilik jáne tabys tileımin!», delingen jazbada.
Aıta keteıik, Azamat Satybaldy Surapbaev 1977 jyly Jambyl oblysy Rysqulov aýdanynda dúnıege kelgen.
Kóp balaly otbasynda týǵan. 1997 jyly T.Júrgenov atyndaǵy О́ner akademııasyna oqýǵa qabyldandy. 2000 jyly dıplomdyq jumysyn qorǵaýǵa Qostanaı oblystyq drama teatryna jiberildi.
Eńbek jolyn 2001 jyly M.Áýezov atyndaǵy qazaq memlekettik akademııalyq drama teatrynan bastaǵan. Akter 20 shaqty fılmde oınaǵan.
