Reseı astanasy – Máskeý qalasynda 2013 jyldyń «Jyl aqyny» jáne «Jyl jazýshysy» ulttyq ádebı syılyqtarynyń ıegerleri anyqtaldy. Bul týraly ITAR-TASS habarlady.
Osyǵan arnalǵan saltanat Ortalyq ádebıetshiler úıinde ótti. «Syılyqtyń mindeti – qazirgi zamanǵy orys ádebıetin damytýǵa aıtarlyqtaı úles qosa alatyn jańa talantty avtorlardy izdestirý, sondaı-aq olardyń shyǵarmashylyǵyna oqyrmandardyń keń aýqymyn tartý, - dep túsindirdi konkýrsty uıymdastyrýshylar. – Saıysqa Reseı men basqa da elderdiń jastary 16-ǵa tolǵan azamattary qatysa alady». Konkýrsqa qatysýǵa talap bildirýshiler shyǵarmalaryn 700 myńnan astam ádebıetshiniń basyn biriktirip otyrǵan «Stıhı.Rý» jáne «Proza.Rý» portaldaryna jóneltedi.
Uıymdastyrý komıtetiniń tóraǵasy, «Stıhı.Rý» jáne «Proza.Rý» portaldarynyń bas dırektory Dmıtrıı Kravchýk ITAR-TASS tilshisine eki syılyq ádebı keńistikti qalyptastyrýǵa yqpal etetinin aıtty. «Biz syılyq aınalymynyń ósip kele jatqanyna qýanyshtymyz. Úlken qazylar alqasy bıyl kóptegen kúshti avtorlardy atap ótti, - dedi ol. – Eki kategorııa boıynsha atalym alǵan avtorlar sany bir jarym esege ósti».
Bıylǵy maýsymda «Jyl jazýshysynyń» fınalyna 75 jazýshy shyqsa, «Jyl aqynynyń» aqtyq synyna 150 aqyn iriktelip alyndy. Nátıjesinde jazýshy Vıorel Lomov pen aqyn Iаn Brýshteın úzdik atandy. Endi olardyń shyǵarmalary «Iýnost», «Znamıa», «Drýjba narodov» jáne basqa da jýrnaldarda jarııalanady. О́leńder aǵylshyn, polıak, ýkraın jáne belorýs tilderine aýdaryldy.
Laýreattarǵa aq mármardan jasalǵan músin tapsyryldy. Jeńimpazdar sondaı-aq baspamen kitap shyǵarý jónindegi kelisim-shartqa otyrdy. Olardy taratqannan túsken qarjynyń bári avtorlarǵa beriledi.
Jalpy, «Jyl aqyny» jáne «Jyl jazýshysy» ulttyq ádebı syılyǵyn Reseı Jazýshylar odaǵy «Avtorskaıa knıga» baspasymen birge taǵaıyndaıdy. Onyń úlken qazylar alqasy quramyna óz isiniń maıtalmany atanǵan tanymal ádebıetshiler tańdap alynǵan. Olardyń qatarynda Svıatoslav Belza, Larısa Vasıleva, Vladımır Vıshnevskıı, Igor Volgın, Aleksandr Gorodnıskıı, Borıs Grachevskıı, Iýrıı Grymov, Baqyt Kenjeev, Natalıa Nesterova, Valentın Nıkıtın, Mark Rozovskıı sekildi tanymal qalamgerler bar.
Murat Aıtqoja.
Derekkóz: ITAR-TASS.
Foto: ITAR-TASS.
