Tártip saqshylary qıyn jaǵdaıǵa tap bolǵan júrgizýshilerge barynsha kómek kórsetýde. Aýa raıynyń qolaısyzdyǵyn eskere otyryp, polıseıler qyzmet ótkerý kezinde balalar men qart jaıaý júrginshilerge jol ótkelinde kómek kórsetedi.
О́tken táýlikte elordada 142 jol-kólik oqıǵasy tirkelip, tórteýi zardap shekti.
«Júrgizýshilerge qozǵalys kezinde óte muqııat jáne saq bolýdy, jyldamdyq rejımin qatań saqtaýdy, qaýipsiz qashyqtyqty jáne manevr jasaý erejelerin múltiksiz saqtaýdy, sondaı-aq kúrt tejeýge júginbeý qajet. Jaıaý júrginshilerden joldy tek belgilengen oryndardan kesip ótýdi suraımyz. Osyǵan baılanysty, jaıaý júrginshiler ótkeliniń aldynda qozǵalys jyldamdyǵyn barynsha azaıtyp, jalpy bilim berý mekemeleriniń janynda óte muqııat bolýdy eskertemiz», deıdi Patrýldik polısııa polki komandıriniń m.a. Marat Beısembaev.
Mehanıkalandyrylǵan jınaýǵa kedergi keltiretin kóshe boıynda avtokólikterdi qoıý faktileri boıynsha júrgizýshilerge qatysty ákimshilik sharalar qoldanylady, sondaı-aq kólik quraldary evakýasııalanady.
Jaıaý júrginshiler kólik quralynyń tolyq toqtaǵanyna kóz jetkizip, belgilengen oryndarda júris bóliginen ótýi kerek.
