8 besikti qatar terbetken ana

Kentaý qalasynyń turǵyny Gúljahan Kerimbaıqyzy tastandy sábılerdi tárbıelep ósir­gen ardaqty ana. El táýelsizdigin alǵan al­ǵash­qy jyldary otaǵasy Ysqaq Turǵanbaıuly «ArNur» atty otbasylyq  balalar úıin ash­qan. Aqsaqaldyń qolǵa alǵan ıgilikti isin za­ıy­­­by Gúljahan da qoldap, qýattaǵan. Sol kez­­­de otbasylyq úlgidegi balalar úıi 13 tas­ta­n­­dy sá­bıdi qabyldapty. Olardyń 8-i besik­tegi qun­daqtaýly búldirshinder bolsa, qalǵan­da­ry­­nyń jasy áli birge tolmaǵan perishteler eken. Keıinnen 2 bala týǵan analarymen qaıta qaýy­­shady. Al 7 sábıdi bala ıisin ańsaǵan óz­ge ot­­basylar baýyryna basqan. Qalǵan 4-ýi qa­zir­­gi kezde Jumashevtar áýletiniń músheleri. Qyz­­dar­dyń aldy joǵary oqý oryndarynyń stýdentteri. Ysqaq Jumashev kóp jyldar boıy densaýlyq saqtaý salasynda eńbek etken. Shańyraqtyń shamyn jaqqan Gúljahan Kerimbaıqyzy da aq halatty abzal jan. Jaıdary jup dúnıege ákelgen 3 ul, 2 qyzdy adamgershiligi mol, ımanjúzdi jandar etip tárbıeledi. Búgingi kúni árqaısysy eline adal qyzmet etýde. Qazirgi kezde qos qarııa 22 nemereniń mańdaıyn ıiskep, qyzyǵyna toımaýda. О́mirdiń ystyq-sýyǵyna birge tózgen Ysqaq ata Kentaý qalasynyń qurmetti azamaty bolsa, Gúljahan apa «Kúmis alqanyń» ıegeri. Árıne, dúnıege kelgenine áli kún de tolmaǵan tastandylardy jetildirip, otbasynyń múshesi etip qabyldaý kez kelgen adamnyń qolynan kele bermeıdi. Osyny eskersek, Ysqaq ata men Gúljahan apanyń jáne olardyń ul-qyzdarynyń bul jolda kórsetken isteri úlken erlikpen para-par ekendigi anyq. Qaırat ZAINIShEV. KENTAÝ.