AirAstana-nyń resmı saıtynda mundaı utys oıyny týraly eshqandaı aqparat shyqpaǵan. Bul týraly áleýmettik jelilerdegi resmı paraqshalarda da aıtylmaıdy.
«Air Astana óziniń áleýmettik jelilerdegi paraqshalarynda nemese airastana.com saıtynda ǵana utys oıyndaryn, konkýrstar men aksııalar ótkizedi. Sol sebepten, alaıaqtardyń aıla-amaldaryna boı aldyrmaýlaryńyzdy suraımyz!», dep jazdy avıatasymaldaýshy óziniń Telegram-paraqshasynda.
Osylaısha, qazir paıdalanýshylarǵa ótýge usynylǵan saýalnama avıakompanııanyń resmı portalynda nemese onyń áleýmettik jelilerdegi betterinde ornalastyrylmaǵandyqtan, ony shynaıy dep sanaýǵa bolmaıdy. Demek, bul saýalnama alaıaqtardyń isi.
Ǵalamtordaǵy alaıaqtyqtyń bul túri - fıshıng dep atalady. Onyń kómegimen zııankester paıdalanýshylardyń derbes aqparatyn, bank kartalarynyń derekterin, jeke jáne aqyly akkaýnttardyń logınderi men parolderin ıemdenedi.
