16 aqpandaǵy jaǵdaı boıynsha Bas prokýratýra, IIM, UQK jáne sybaılas jemqorlyqqa qarsy qyzmet tergegen barlyq qylmystyq ister boıynsha sottyń sanksııasymen 741 kúdikti qamaýǵa alyndy. Olardyń ishinde buryn sottalǵan 113 adam, tyıym salynǵan ekstremıstik qozǵalystardyń 42 qatysýshysy men uıymdasqan qylmystyq toptardyń 35 múshesi bar.
«Biz jeke tulǵalardy zerttedik jáne Almatyda tutqyndalǵan barlyq adamdardyń portretin jasadyq. Negizgi kópshilik - 30 jasqa deıingi, joǵary bilimi jáne turaqty jumys orny joq jastar», dedi Eldos Qılymjanov.
Ol, sondaı-aq ustalǵandar arasynda júrgizilgen anonımdi saýalnamanyń nátıjelerin de jarııa etti.
«Árbir úshinshi búlikshi jaǵdaıdy paıdalanyp, bireýdiń múlkin urlaý arqyly paıda tapqysy kelgenin moıyndady», dep qosty Eldos Qılymjanov.
