Er mereıi – el mereıi

Elbasy sheshen sóıleıdi. Ol minberlerde oı tolǵaǵanda, kósem­digi men kóregendigine de súı­sinip otyrasyń. Elbasynyń Nıder­landtaǵy Jahandyq sammıtte sóı­legen sózinde qoǵamda bolyp jat­qan saıası oqıǵalardy taldap, oǵan durys sheshim qabyldaýdaǵy usynys-pikirleri kópshiliktiń kóńi­linen shyqqany anyq. Ásirese, beıbitshilikti jany súıetin, ynty­maqtastyqqa yqylasy erekshe aýatyn Elbasynyń ıador­lyq qarý­lardan bas tartý kerektigi jónindegi barsha mem­leketti má­milege shaqyrýy ońdy is. Elbasy Semeı ıadrolyq synaq polıgonyn jaýyp, qýaty jaǵynan álemdegi tórtinshi zymyrandyq-ıadrolyq arsenaldan bas tartty. Osylaısha elimizdi ıadrolyq qarýdyń qasiretinen, qaýpinen qutqardy. Reti kelgende aıta ketý kerek, Birikken Ulttar Uıy­mynyń Bas Assambleıasy Qazaq eliniń bastamasy boıynsha 29 tamyzdy Iаdrolyq synaqtarǵa qarsy halyqaralyq is-qımyl kúni dep jarııalaý týraly qarar qabyldady. Munda Elbasynyń úlken úlesi jatyr. Osy jolǵy sózinde de Prezı­dent Nursultan Nazarbaev radıasııa keń dalamyzdy ýlap, búkil tirshilikke qaýip kel­tirgenin, qazaqstandyqtardyń densaýlyǵyna zalalyn tıgizgenin aıta kelip, keńestik basshylyqtyń qatań qarsylyǵyna qaramastan, polıgondy jabý týraly Jar­lyqqa qol qoıǵandyǵyna dálel­der keltire otyryp, qarý jasaýdan, ony synaý­dan áli de bas tartqylary kelmeı otyrǵan «kósemderdiń» sanasyn selt etki­zerdeı etip aıtty. Elbasy atap ótkendeı, ıadrolyq qarýdan bas tartý Qazaqstan úshin batyl qadam boldy. Bul úrdis basqa memleketterde óz jalǵastyǵyn taýyp, máselen, Reseıde Jańa Jer, Ame­rıkada Nevada, Fransııada Morýrora, Qytaıda Lobnor synaq alańdary jabyldy. Prezıdenttiń biregeı bastamasynyń arqasynda jalǵyz qazaqstandyqtar ǵana emes, joǵaryda atalǵan memleketterdiń halqy beıbit zamanda, qarýdyń dúmpýinsiz shat-shadyman ómir sú­rip jatyr. Biz elimizdiń bolashaǵy, álemdegi tynyshtyq úshin aldaǵy ýaqytta ıadrolyq qarýlardan múldem bas tartý maqsatynda qoldan kelgenniń bárin jasaýǵa tıispiz. Adam qorqynyshsyz ári úreısiz tynysh ómir súrgisi keledi. Ondaı ómir úshin ıadrolyq, bakterıologııalyq, hımııalyq qarýdyń qajeti joq. Osy jolǵy Elbasynyń salıqaly da salmaqty sózin qoldaı otyryp, barshamyz ıadrolyq qarýlarǵa qarsy ún qosýymyz kerek dep oılaımyn. Marat MALTEKBASOV, I.Jansúgirov atyndaǵy Jetisý memlekettik ýnıversıtetiniń birinshi prorektory, pedagogıka ǵylymdarynyń doktory. TALDYQORǴAN.