2017 jyldyń tamyzynda kúdiktiniń bazar mańaıynan Daewoo Nexia jeke menshik taksıin jaldap, «Lesozavod» aýdanyna qaraı shyqqany anyqtaldy. Dittegen jerge kelgennen keıin júrgizýshi men jolaýshynyń arasynda jol aqysynyń quny úshin qaqtyǵys bolǵan. Taksıst qyzmetiniń qunyn myń teńgege baǵalaǵan. Sózge kelispeı qalǵan jolaýshy pyshaq alyp shyǵyp, júrgizýshige 17 ret suǵyp alǵan. Sonyń saldarynan júrgizýshi oqıǵa ornynda qaıtys bolǵan. Adam ólimi bolǵannan keıin qylmysker izin jasyrýǵa tyrysyp, mashınada qalǵan saýsaq izderin muqııat súrtken. Asa aýyr qylmys jasap, kúdikti qylmys jasalǵan orynnan jasyrynǵan jáne birneshe kúnnen keıin kórshiles respýblıkaǵa shyǵyp ketken.
Bes jyl boıy elordalyq jedel qyzmetkerler adam óltirdi dep kúdikke ilingen adamnyń jeke basyn anyqtaý boıynsha kóptegen jumys júrgizdi. Krımınalıster qylmys ornynan tabylǵan barlyq izderdi zerttedi. Eki jyl ótkennen keıin avtokóliktiń júksalǵyshynan alynǵan saýsaq izderin zertteı otyryp, krımınalıster sáıkestikti anyqtaǵan. Alaıda tergep-tekserý júrgizý barysynda saýsaq izderi qaıǵyly oqıǵa oryn alǵanǵa deıin biraz ýaqyt buryn júrgizýshi barǵan janar-jaǵarmaı quıý stansııasy qyzmetkerine tıesili ekeni anyqtalǵan. О́tken jyldyń sońynda krımınalıster saýsaq izi boıynsha taǵy bir sáıkestikti anyqtaǵan jáne qaıtadan tekseris bastaǵan. Saýsaq izi ıesiniń 2014 jyly Belarýs Respýblıkasynda urlyq jasaǵany úshin sottalǵany anyqtaldy. Ol Aqmola oblysynyń turǵyny bolyp shyqqan. Tekseris júrgizý barysynda jedel qyzmetkerler onyń adam óltirýge qatysy bar ekenin anyqtaǵan. Ustalǵannan keıin bultartpaıtyn aıǵaqtardyń nátıjesinde kúdikti jasaǵan isin moıyndaǵan.
Qazirgi ýaqytta ol Nur-Sultan qalasy PD ýaqytsha ustaý ızolıatoryna qamaldy. Qazaqstan Respýblıkasy QK-niń 99-baby boıynsha sotqa deıingi tergep-tekserý júrgizilýde.
