Prezıdent usynatyn jańa reformalaryn kúzdi kútip otyrmaı-aq Naýryz aıynyń ortasyna josparlanǵan halyqqa Joldaýynda aıtatynyn jetkizdi.
«Men bastapqyda jańa saıası reformalardy kúzde jarııalaımyn dep oılaǵam, biraq saıası reformalardy naýryzdyń ortasynda halyqqa Joldaýymda usynatyn boldym. Qazirgi tańda jurt reformalardy zor úmitpen kútip otyrǵanyn bilemin. Sondyqtan, «Jańa Qazaqstandy birge quraıyq» dep úndeý joldadym. Onda aıtylǵan máselelerdi kópshilik qoldap otyr», dedi Qasym-Jomart Toqaev.
Memleket basshysy kez kelgen qıyndyqtyń artynda úlken múmkindikter turǵanyn aıtyp, qazaqstandyqtardy Otanymyzdy órkendetýge shaqyrdy.
Qytaı tilindegi «daǵdarys» degen sózdiń «jańa múmkindikter» degen maǵynasy bar. Osy rette biz de kúsh-qýatymyzdy Otanymyzdy órkendetýge jumsaıyq.
«Árıne, azamattyq qoǵammen, derbes sarapshylarmen aýqymdy dıalog júrgizý kerek. О́ıtkeni, halyqtyń pikiri óte mańyzdy. Men «Adamdar memleket úshin emes, memleket adamdar úshin» degen ustanymdy jarııaladym. Osyǵan baılanysty Úkimetke tıisti usynystar daıyndaýdy tapsyrdym», dedi ol.
