Jaqynda Memleket basshysy Tuńǵysh Prezıdent týraly zańǵa engizilgen ózgertýlerge qol qoıdy. Osylaısha, Qaýipsizdik Keńesi men Qazaqstan halqy Assambleıasyn ómir boıy basqarý sııaqty Elbasynyń birqatar ókilettiligi toqtatyldy.
«Buryn osyndaı zańdar qabyldandy, qazirgi tańda olardyń qajettiligi shamaly. Ony ashyq aıtý kerek. Keleshekte osyndaı zańdar qabyldaýdyń qajeti joq dep esepteımin. Buryn olqylyqtar bolsa da, bul – bizdiń tarıhymyz. Bárimiz tarıhtan sabaq alýymyz kerek. Bizdiń maqsatymyz – elimizdiń bolashaǵy, óskeleń urpaqtyń qamy týraly oılaý. Basqa sóz joq», dedi Qasym-Jomart Toqaev óz sózinde.
