Qoǵam • 18 Aqpan, 2022

Qalta urlyǵy men alaıaqtyq kóbeıgen

139 ret kórsetildi

О́tken jyly Aqtóbe oblysynda tirkelgen árbir qylmystyń tórtinshisi – alaıaqtyqqa qatysty qylmystar. Bul týraly Polısııa departamenti bastyǵynyń orynbasary Murat Seıtalın óńirlik kommýnıkasııalar qyzmetinde ótken brıfıngte málimdedi. Sońǵy ýaqytta adamdardyń ańqaýlyǵyn paı­dalanyp, senimine kirip, telefon arqyly jeke málimetterin paı­dalanyp, taqyrǵa otyrǵyzyp ketip jatqandar tipti kóbeıip ba­rady.

Qazirgi kezde jurtty aldap-arbaýdyń eń kóp taralǵan túr­le­ri – OLX jarnamasymen zat satyp alý men satýda aldaý, onlaın nesıe rásimdeý, mıkro­nesıe uıymdary arqyly turǵyndardyń syrtynan qarjy alý. Sońǵy ýaqytta jergilikti polısııa qyz­metkerleri mektepterge, kásip­oryn­darǵa alaıaqtyqtyń qurbany bolýdan saqtandyratyn beınerolıkter, býkletter taratýdy bastady.

Salystyrmaly túrde qara­ǵanda ótken jyly kisi ólimi, bu­za­qylyq, ózgeniń múlkin urlaý qyl­mystary azaısa, sonyń ishin­de qoǵamdyq oryndar men kó­shede mas kúıinde jasalǵan qyl­mystar óte az tirkelgen. Alaı­da kólik urlyǵy, sonyń ishinde akkýmý­lıator urlaý kóbeıip ketti. Po­lısııa akkýmýlıatorlardy qabyldaıtyn oryndardy tekserý barysynda, osy jerlerde jumys isteıtin keıbir adam­dar­dyń kólik urylarymen baılanysy baryn anyqtady. Sonyń arqasynda ótken jyly akkýmýlıator urlyǵyna ábden mamandanǵan jeti qylmystyq top ustalyp, is qozǵaldy. О́tken aptada taǵy da qylmystyń osy túrimen aına­lysqan eki jas jigit ustalyp, olardyń ústinen QK 188-baby 3-bóligi «Urlyq» boıynsha sotqa deıingi tergeý bastaldy.

Kóliktegi qalta urlyǵy bıyl da azaımaı tur. Oblys orta­ly­ǵyn­da qalta urylary belgili bir marshrýttarda jáne jolaýshylar kóp minetin mezgilde júredi. О́tken jyly qalta urlyǵyna mamandanǵan 12 top ustaldy.

Úıdiń aýlasyna qoıyp ketken kólikter de jıi joǵalyp jatady. Byltyr avtokólikterdi urlaıtyn 16 qylmystyq top quryqtaldy. Bul jerde ádette kópqabatty úı­lerdiń aýlasyna qoıǵan kólik­ter túnde qoldy bolyp jatady. Eger ıeleri kólikterin kúzeti­letin turaqtarǵa qoısa, osy qyl­mystyń joly kesiler edi. Kó­lik urlyǵynyń oryn alýyna qala­daǵy avtokólik turaqtarynyń azdyǵy da sebepshi.

Qylmystardyń aldyn alý men ashýda beınebaqylaý kamera­la­rynyń kómegi óte joǵary. Sonyń bir mysaly, ótken jyly beınekamera kómegimen 210 qyl­mys ashylsa, jol erejesin buz­ǵan 14 myń quqyqbuzýshylyq tirkeldi.

Sondaı-aq ótken jyly izdeýde júrgen 90 qylmysker ustalyp, 74 iz-túzsiz joǵalǵan azamat tabyldy. Jıi joǵalatyndar, úıden sebepsiz ketip qalatyndardyń arasynda jasóspirimder kóp. Úılerinen jıi ketip qalýdy ádetke aınaldyrǵan balalardy jedel­dete tabýǵa volonterler men qoǵamdyq kómekshilerdiń járdemi zor. Ol úshin polısııaǵa shuǵyl habar berý kerek. Kóp jaǵdaıda jasóspirimderdiń ketip qalýyna úıdegi janjal, ata-ana­larymen aradaǵy kelispeý­shilikter, turmystyq jaǵdaıdyń qıyndyǵy, mekteptegi álimjettik sebep bolyp jatady.

О́tken jyly esirtkiniń zańsyz aınalymyna qatysty 255 qyl­mys­tyń joly kesildi. Dálirek aıtqanda, 50 esirtki satqan aq­tó­­­belik qolǵa túsken. Esirtki sa­tý­­men turaqty aınalysqan je­ti top ustalyp, olardan 208 kg túr­li esirtki alynyp, bir esirt­­ki da­ıyndaıtyn oryn anyq­tal­dy. Sıntetıkalyq esirtki jasóspirimder arasynda taralyp jatyr. О́tken jyly tárkilengen esirtki zattarynyń ishinde 36 kılogrammy sıntetıkalyq esirt­kiler bolǵan.

Polısııa bastyǵy orynba­sa­rynyń habarlaýynsha, Aqtóbe oblysynda 1 824 adamnyń eli­mizdiń kóshi-qon zańyn buzǵany anyqtalyp, olar ákimshilik jaýap­ker­shilikke tartyldy. Sondaı-aq alıment tóleýden jaltarǵan ne qaryzdaryn tóleýden qashyp júrgen aqtóbelik 628 turǵynnyń mekenjaıy anyqtaldy.

О́tken jyly kóshede, qoǵam­dyq oryndar men oıyn-saýyq oryndarynda­ qylmystyń azaıýy­­na pandemııaǵa baılanys­ty shekteý sharalary áser etkeni anyq.

 

Aqtóbe oblysy

Sońǵy jańalyqtar

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Uqsas jańalyqtar