Jyl basynan beri ondaǵan jol-kólik oqıǵasy oryn alyp, apattyń saldarynan 14 bala jaraqat aldy. Olardyń tórteýi jaıaý júrginshi bolsa, qalǵandary kóliktegi jolaýshylar. Osy bir derekterdi salǵastyra zerttep, tıisti mamandardyń pikirin bezbendeseńiz, eń birinshi sebep beıqamdyq eken. Bala bitkenniń qaýip qaıdan dep oılap, qaperlerine ile bermeıtini de bar. Demek, ata-analar men ustazdary aıtyp kelmes apattyń, orny tolmas ókinishtiń aldyn alýy kerek.
Jol-kólik oqıǵalarynyń 70 prosenti respýblıkalyq mańyzdaǵy kúre joldarda oryn alǵan. Jıi qaıtalanatyn oqıǵalarǵa saraptama jasaǵan jergilikti polısııa qyzmeti basqarmasy qaýipsizdik sharalaryn kúsheıtýge talpynýda. Áıtse de qaıǵyly oqıǵalar qatary seıilmeı tur.
«О́tken jyly 109 jol-klik oqıǵasy oryn alyp, 8 búldirshin qaza boldy, 217-i jaraqat aldy. 2020 jylmen salystyrǵanda apat sany eki esege ósti. Bir aıta keterligi, on ekide bir gúli ashylmaı ómirden ótken 8 balanyń ekeýi jaıaý júrginshi, beseýi kólikte kele jatqan jolaýshylar, endi biri motosıkl júrgizip, mert bolǵan», deıdi oblystyq jergilikti polısııa qyzmeti basqarmasy bastyǵynyń orynbasary Erbolat Qusaıynov.
Osy bir dertti derekterden balalardyń jol qaýipsizdigin bilgenimen, eskere bermeıtindigi baıqalyp tur. Qazir aımaqta jedel aldyn-alý is-sharalary ótkizilýde.
«Biz mektep oqýshylarynyń sanasyna jol qozǵalysy erejesin sińirýdemiz. Bul oraıda ásirese bastaýysh synyp oqýshylaryna aıryqsha nazar aýdarýymyz kerek», deıdi Kókshetaý qalalyq polısııa basqarmasy ıývenaldy polısııasynyń ýchaskelik ınspektory Qýat Qajymov.
Polısııa ókilder aıyna kem degende eki ret osyndaı is-shara ótetnin aıtady. Apattyń azaımaı turǵanyna qaraǵanda, bul isti áli de shırata túsý kerek. Olqylyq statıstıkalyq derekterden de kórinip tur. Jyl basynan beri 65 jol-kólik oqıǵasy tirkelgen, 92 adam ártúrli jaraqat alǵan. Taıaýda ǵana bes birdeı adam kólik apatynyń qurbany boldy. Jol beıqamdyqty keshirmeıdi.
