Bas júlde úshin básekede byltyrǵy maýsymdaǵy Premer-lıganyń jeńimpazy «Tobyl» men el kýbogynyń ıegeri «Qaırat» kúsh synasady. Atalǵan jarysta almatylyqtardyń eki márte top jarǵanyn jankúıerler jaqsy biledi. Bul ataqqa «Qaırat» 2016 jáne 2017 jyldary qol jetkizdi. Eki retinde de olar «Astanadan» aılasyn asyrdy. «Astana Arenada» ótken alǵashqy matchta esep ashylmaǵandyqtan, jeńimpaz penaltı arqyly anyqtaldy – 5:4. Ortalyq stadıonda uıymdastyrylǵan kezdesýde alań ıeleri qarsylastar qaqpasyna jaýapsyz eki gol soqty – 2:0. Al qostanaılyqtardyń byltyrǵy qarqyny kúshti boldy. Fınalda «Tobyl» «Astanany» penaltıden utty – 1:1 (5:4).
Qazaqstan sýperkýbogyn eń kóp oljalaǵan komanda – Nur-Sultannyń «Astanasy». Elordalyq klýb bes márte (2011, 2015, 2018, 2019, 2020) jeńis toıyn toılasa, «Aqtóbeniń» asyǵy úsh ret (2008, 2010, 2014) alshysynan tústi.
