«Qazir elimizde epıdemıologııalyq ahýal turaqtalyp keledi. О́ńirlerdiń kópshiligi «jasyl» aımaqta. Degenmen, epıdemıologııalyq jaǵdaıǵa odan ári monıtorıng júrgizý qajet. Memleket basshysynyń tapsyrmasy boıynsha sanıtarlyq talaptardy jeńildetý sharalary qabyldanyp jatyr. Soǵan qaramastan ákimdikter vaksınalaý men revaksınalaý jumysyn jalǵastyrýy tıis», dedi Úkimet basshysy.
Onyń málimeti boıynsha, óńirlerde vaksına qory jetkilikti.
«Revaksınalaý elordada jáne Atyraý oblysynda óte tómen. Kósh sońynda qalǵan óńir ákimderi osy máseleni erekshe baqylaýǵa alsyn», degen Álıhan Smaıylov orynbasary Eraly Toǵjanovqa bul máseleni jalpy baqylaýǵa alýdy tapsyrdy.
