«2022 jylǵy 22 aqpanda tańǵy saǵat 04:11 mınýtta (Nur-Cultan qalasy ýaqyty) kezekshi qyzmet pýltine Aqtóbe qalasy, Almaty aýdany, Smaǵulova №15 mekenjaıy boıynsha «Altaır» janarmaı quıý stansııasynyń janýy týraly habarlama kelip tústi. Shaqyrý ornyna dereý Aqtóbe qalasynyń órt sóndirýshileri men qutqarýshylary jiberildi», delingen habarlamada.
Oqıǵa ornyna О́rt sóndirý qyzmetiniń qyzmetkerleri kelgende «Altaır» tehnıkalyq qyzmet kórsetý stansııasynda gaz-aýa qospasynyń jarylǵany anyqtaldy, nátıjesinde 600 sharshy metr alańda ǵımarattyń qulaýy men TQKS ishinde jáne janynda turǵan 11 avtomobıl zaqymdandy. Aldyn ala aqparat boıynsha jarylys avtomobıldiń gaz-ballon jabdyǵynan shyqqan.
TJ ornynda Aqtóbe oblysy TJD 136 adam jáne 16 birlik tehnıka kúshteri men quraldary, sondaı-aq JAO 2 birlik tehnıkasy jumys istep jatyr. Oqıǵa oryn alǵan sátten bastap joǵalǵan kúzetshini izdestirý-qutqarý jumystary júrgizildi. Júrgizilgen izdeý jumystary nátıjesinde úıindiniń astynan kúzetshiniń denesi tabyldy.
