Qazaqstan Respýblıkasy Din isteri agenttiginiń buıryǵy №50

2013 jylǵy 23 jeltoqsan Astana qalasy «Dintaný saraptamasyn júrgizetin sarapshylardy irikteý jónindegi nusqaýlyqty bekitý týraly» Qazaqstan Respýblıkasy Din isteri agenttigi Tóraǵasynyń 2012 jylǵy 30 qazandaǵy № 112 buıryǵyna ózgerister engizý týraly Qazaqstan Respýblıkasy Úkimetiniń 2012 jylǵy 7 aqpandaǵy № 209 qaýlysymen bekitilgen Dintaný saraptamasyn júrgizý qaǵıdasynyń 6-tarmaǵynyń 1) tarmaqshasyna jáne Qazaqstan Respýblıkasy Úkimetiniń 2013 jyly 29 sáýirdegi № 411 «Mınıstrlikterdiń, ózge de ortalyq jáne jergilikti atqarýshy organdardyń shtat sany lımıtteriniń keıbir máseleleri jáne keıbir memlekettik mekemelerdi taratý týraly» qaýlysyna sáıkes, buıyramyn: 1. «Dintaný saraptamasyn júrgizetin sarapshylardy irikteý jónindegi nusqaýlyqty bekitý týraly» Qazaqstan Respýblıkasy Din isteri agenttigi Tóraǵasynyń 2012 jylǵy 30 qazandaǵy № 112 buıryǵyna (Normatıvtik quqyqtyq aktilerdi memlekettik tirkeý tiziliminde № 8116 tirkelgen, 2013 jylǵy 16 qańtardaǵy № 14-15 (27288-27289) «Kazahstanskaıa pravda» jáne 2013 jylǵy 16 qańtar­daǵy № 22 (27961) «Egemen Qazaqstan» gazetterinde jarııalanǵan) mynadaı ózgerister engizilsin: kórsetilgen buıryqpen bekitilgen Dintaný saraptamasyn júrgizetin sarapshylardy irikteý jónindegi Nusqaýlyqta: 3-tarmaq mynadaı redaksııada jazylsyn: «3. Qazaqstan Respýblıkasy Din isteri agenttigimen (budan ári – Agenttik) aldaǵy ótetin dintaný saraptamasyn júrgizý úshin sarapshylardy irikteý týraly habarlandyrýdy «www.din.gov.kz» resmı saıtyna ornalastyrylady.»; 4-tarmaq mynadaı redaksııada jazylsyn: «4. Sarapshylardy irikteýge qatysý úshin úmitker Agenttik quratyn dintaný saraptamasyn júr­gize­tin sarapshylardy irikteý jónindegi Komıssııaǵa (budan ári – Komıssııa) kelesi qujattardy usynady: 1) jeke basyn kýálandyratyn qujat nemese tólqujattyń kóshirmesi (tekserý úshin túpnusqa usynylmaǵan jaǵdaıda notarıaldy kýálandyrylǵan); 2) bilimi týraly qujattyń qosymshasymen birge kóshirmesi (tekserý úshin túpnusqa usynylmaǵan jaǵdaıda notarıaldy kýálandyrylǵan); 3) ózi avtory bolyp tabylatyn dintanýlyq taqyryptar boıynsha maqalalar, ǵylymı eńbekter jáne basqa materıaldardyń kóshirmeleri (bar bolǵan jaǵdaıda); 4) eńbek qyzmetin rastaıtyn qujattardyń kóshirmeleri (notarıaldy kýálandyrylǵan).»; 5, 6, 7 – tarmaqtary mynadaı redaksııada jazylsyn: «5. Komıssııa Agenttik Tóraǵasynyń buıryǵymen qurylady jáne músheleriniń sany taq bolatyn quramda keminde úsh adamnan turady. Atalǵan komıssııa músheleriniń ishinen tóraǵa taǵaıyndalady. Komıssııanyń quramyna Agenttiktiń salalyq departamentiniń qyzmetkerleri, Agenttiktiń respýblıkalyq memlekettik mekemeleriniń basshylary nemese olardyń orynbasarlary engiziledi. Komıssııa otyrysy quramynda keminde onyń úsh múshesi qatysqan jaǵdaıda zańdy dep tabylady. Komıssııa sheshimi ashyq daýys berý arqyly qabyldanady jáne hattamamen rásimdeledi. Hattamany Komıssııa hatshysy rásimdeıdi jáne Komıssııa tóraǵasy, músheleri qol qoıady. 6. Osy Nusqaýlyqtyń 4-tarmaǵynda kórsetilgen barlyq qujattardy usynǵan jaǵdaıda irikteýge qatysý úshin qujattardy tirkeý júzege asyrylady. Qujattardy tirkeý kezinde qujattardyń qabyldanǵandyǵy jóninde qolhat beriledi. 7. Irikteý úsh kezeńmen júzege asyrylady: 1) birinshi kezeń – qujattardyń osy Nusqaýlyqtyń 2-tarmaǵynyń 1)-3) tarmaqshasynda kórsetilgen talaptarǵa sáıkestigin qarastyrý; 2) ekinshi kezeń – Agenttik bekitken suraqtar boıynsha testileýdi ótkizý; 3) úshinshi kezeń – Komıssııanyń irikteýdiń birinshi jáne ekinshi kezeńiniń nátıjelerin qarastyrýy.»; 12-tarmaq mynadaı redaksııada jazylsyn: «12. Testileý merzimi habarlama jiberilgennen keıin 15 (on bes) kúntizbelik kúnnen soń belgilenedi.»; 17, 20-tarmaqtar alynyp tastalsyn; 18-tarmaq mynadaı redaksııada jazylsyn: «18. Komıssııa 7 (jeti) jumys kúni ishinde irikteýdiń birinshi jáne ekinshi kezeńderi boıynsha materıaldardy zerttep, sarapshylardy irikteý jóninde sońǵy sheshimdi shyǵarady, árbir sarapshylyqqa úmitker boıynsha jeke usynystar daıyndaıdy.». 2. Konfessııaaralyq qatynastar departamentine (B.K. Kúlekeev) Quqyqtyq qamtamasyz etý basqarmasymen (Á.T. Jýanyshpaeva) birlese otyryp: 1) ádilet organdarynda memlekettik tirkeýdi; 2) memlekettik tirkeýden keıin resmı jarııalaýdy qamtamasyz etsin. 3. Osy buıryqtyń oryndalýyn baqylaý Tóraǵa orynbasaryna (Ǵ.N. Shoıkın) júktelsin. 4. Osy buıryq alǵash resmı jarııalanǵan kúninen bastap on kúntizbelik kún ótken soń qoldanysqa enedi. Tóraǵa  M. ÁZILHANOV. Buıryq Qazaqstan Respýblıkasynyń Ádilet mınıstrliginde 2014 jylǵy 28 qańtarda Normatıvtik quqyqtyq kesimderdi memlekettik tirkeýdiń tizilimine №9103 bolyp engizildi.