Oblys ákimdigine qarasty 24 basqarma men ortalyq memlekettik organdardyń 20 aýmaqtyq departamentiniń basshylyǵy men qyzmetshilerine Ádep kodeksiniń talaptaryn saqtaý jáne azamattar men qyzmetshilerdiń ótinishterin qaraý sapasyn joǵarylatý máseleleri boıynsha semınarlar men dárister ótkizilgen. Halyqtyń muń-muqtajyna júıeli túrde nazar aýdarý maqsatynda jıi shaǵymdanatyn azamattardyń tizimi túzilip, olarmen jeke qabyldaýlar uıymdastyryldy jáne jeke qabyldaý barysynda kótergen máseleleri boıynsha qoldanystaǵy zańnamalarǵa sáıkes túsindirmeler berilgen. Nátıjesinde, jıi shaǵymdanatyn azamattardyń sany sońǵy 2 jylda 60%-ǵa tómendegen. «Azamattardyń ótinishterine sapaly jaýap berilýin qamtamasyz etý, qaıta shaǵymdaný derekterin azaıtý maqsatynda departament júıeli túrde taldaý júrgizýde. El Prezıdenti Qasym-Jomart Toqaev «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Joldaýynda memlekettik ınstıtýttardyń rólin nyǵaıtý, azamattardyń quqyqtary men bostandyqtaryn qorǵaý, halyqtyń turmys sapasyn jaqsartý, halyqty tolǵandyrǵan máselelerdi der kezinde sheshý máselelerin basty nazarǵa aldy. Memleket basshysy Joldaýynda: «Azamattardyń barlyq syndarly ótinish-tilekterin jedel ári tıimdi qarastyratyn «Halyq únine qulaq asatyn memleket» tujyrymdamasyn iske asyrý – bárimizge ortaq mindet. Bılik pen qoǵam arasynda turaqty dıalog ornatý arqyly ǵana qazirgi geosaıası ahýalǵa beıimdelgen úılesimdi memleket qalyptastyrýǵa bolady», dedi. О́tinish berýshiniń kózqarasy turǵysynan onyń únine qulaq asý – óz suraqtaryna memleket tarapynan qanaǵattandyrarlyq jaýap alýdy nemese kóterilgen máseleni qalaı sheshýge bolatyny týraly qoljetimdi jáne túsinikti málimet alý. Al memlekettik organdarǵa qoıylatyn basty talap – ótinish berýshige qulaq asý jáne onyń ótinimin sapaly qaraý. Búginde túrli áleýmettik jeliler qarapaıym halyq óz pikirin ashyq aıta alatyn birden-bir qural bolyp tur. Qoǵamda ne ózekti, elge ne unap, ne unamaı jatqanyn, memlekettik qyzmetshiniń tarapynan qandaı ersi qylyqtar oryn alatynyn áleýmettik jelilerden de bilýge bolady. Departament tarapynan da áleýmettik jelilerde resmı paraqshalar ashylyp, búginde azamattardyń ótinishterine jedel túrde jaýaptar usynylýda», deıdi departament basshysy, Ádep jónindegi keńes tóraǵasy Aıbek Shilmanov. Jergilikti atqarýshy organdardaǵy tártiptik komıssııalardyń sheshimderimen ótken jyly Ádep kodeksiniń talaptaryn buzǵany úshin oblys ákimi apparaty jáne aýdan, qalalar boıynsha barlyǵy 45 memlekettik qyzmetshige zań aıasynda tártiptik shara qaralǵan. Sondaı-aq byltyr óńirdegi memlekettik qyzmetshiler arasynda sybaılas jemqorlyqqa baılanysty oqıǵalar eki ese azaıǵan.
Búginde, ókinishke qaraı, memlekettik qyzmetshiler kúndelikti qyzmetinde, halyqpen kezdesý barysynda ózin ózi ustaý men kópshilik aldynda sóıleý kezinde ádep normalaryna saı kele bermeıtin túrli kemshilikterge jol berip jatady. Osyǵan oraı departament áleýmettik jelilerdegi memlekettik qyzmetshilerdiń is-áreketterine qatysty negizdi synı maqalalarǵa turaqty túrde monıtorıng júrgizýde. О́tken jyldyń qorytyndysymen óńirde memlekettik qyzmetshilerge qatysty 24 synı maqala jarııalanǵany anyqtalyp, 6 qyzmetshige profılaktıkalyq maqsatta tártiptik jazalar qoldanylǵan. Bul óz kezeginde azamattar tarapynan túsetin aryz-shaǵymdardyń sanyn azaıtýǵa óz yqpalyn tıgizdi. Oblystyq Ádep jónindegi keńeste 59 tártiptik is qaralyp, aldyńǵy jylmen salystyrǵanda 9%-ǵa, onyń ishinde ádep normalaryn buzý boıynsha 34 is tirkelip, 7%-ǵa azaıdy. Jergilikti atqarýshy organdardaǵy tártiptik komıssııalarynda memlekettik qyzmettiń bedelin túsiretin teris qylyqtar boıynsha 9 jaǵdaı qaralǵan. Bul aldyńǵy jylǵa qaraǵanda 57%-ǵa kem. Sondaı-aq Ádep jónindegi keńes qaraǵan tártiptik ister boıynsha anyqtalǵan buzýshylyqtardyń óńirdegi basqa memlekettik qyzmetshiler tarapynan jasalýyn aldyn alý maqsatynda memlekettik organdarǵa tıisti usynystar joldaý tájirıbesi de qolǵa alynǵan. Osylaısha, departament atqarǵan júıeli jumystardyń qorytyndysymen jalpy túsken aryz-shaǵymdardyń búginde sany aldyńǵy jylmen salystyrǵanda azaıǵan. Byltyr departamentke jeke jáne zańdy tulǵalardan túsken ótinishter sany edáýir kemigen. Mysaly, ótinishter sany 361 bolyp, 42%-ǵa (2020 jyly – 527), onyń ishinde jeke tulǵalardan túsken ótinishter sany 305 bolyp, 33%-ǵa tómendegen.
Budan bólek, departament azamattardyń quqyqtaryn qorǵaýmen qatar, memlekettik qyzmetshilerdiń de quqyqtaryn qorǵaýdy basty nazarǵa alǵan. Aldyńǵy jyly oblys kóleminde – 27, al byltyr 21 memlekettik qyzmetshi negizsiz tártiptik jazalarǵa tartylǵan. Departament basshysynyń aıtýyna qarǵanda, buzýshylyqtardyń basym kópshiligi memlekettik qyzmetshiden túsinikteme almaı, qyzmettik tergep-tekserý júrgizbeı, tártiptik jaza qoldaný talaptary buzylýymen, ıaǵnı buzýshylyqtyń máni tolyq jáne obektıvti zerdelenbesten qoldanylǵany anyqtalypty. Bul oraıda tıisti usynystar engizilip, negizsiz tártiptik jaza qoldaný týraly buıryqtardyń kúshteri joıylǵan. Iаǵnı joǵaryda atalǵan memlekettik qyzmetshilerdiń quqyqtary tolyqqandy qalpyna keltirildi. О́ńirdegi memlekettik qyzmetshilerge Ádep kodeksiniń talaptarymen qatar memlekettik qyzmetshiniń quqyqtary túsindirilýiniń nátıjesinde, memlekettik qyzmetshilerden departamentke túsken aryz-shaǵymdardyń sany 69%-ǵa azaıǵan.
Túrkistan oblysy
