Bul kompanııa jobalaý, qurylys, qurlyq pen teńiz porttaryn basqarý, sondaı-aq kólik-logıstıkalyq, saýda jáne keden úderisterin sıfrlandyrý jumystarymen aınalysady. PSA jelisiniń 26 elde 50-den astam fılıaly bar.
Áńgimelesý barysynda Qazaqstanda birqatar ınvestısııalyq jobany júzege asyrýdyń perspektıvalary talqylandy.
Qasym-Jomart Toqaev Qazaqstannyń kólik-logıstıkalyq jáne ınfraqurylymdyq áleýetine nazar aýdaryp, Qytaı – Eýropa dálizi boıynsha qurlyq tranzıttik tasymaldyń 83 paıyzy bizdiń elimiz arqyly ótetinin atap ótti. Onyń aıtýynsha, PSA kompanııasynyń porttardy basqarý, logıstıka jáne sıfrlandyrý baǵytyndaǵy tájirıbesi erekshe qyzyǵýshylyq týǵyzady.
Tan Chon Men kezdesýge múmkindik bergeni úshin Memleket basshysyna alǵys aıtyp, Qazaqstan aýmaǵyndaǵy ártúrli kólik-logıstıkalyq jobalarǵa ınvestısııa salýǵa zor qyzyǵýshylyq tanytyp otyrǵanyn málimdedi.
Sonymen qatar sıngapýrlyq bıznesmen «Qazaqstan temir joly» ulttyq kompanııasymen birlesip, logıstıkalyq qyzmet kórsetý jáne sıfrlyq kólik dálizin damytý, sondaı-aq sıngapýrlyq tájirıbege negizdelgen kedendik rásimderdi transformasııalaý úshin ózara tıimdi yntymaqtastyq ornatýǵa daıyn ekenin jetkizdi.
Kompanııanyń josparymen tanysqan Qasym-Jomart Toqaev PSA kompanııasymen aradaǵy yntymaqtastyqtyń damýyn baqylaýǵa alatynyn jáne ózara tıimdi nátıje kútetinin aıtty.
Kezdesý barysynda Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın, Indýstrııa jáne ınfraqurylymdyq damý mınıstri Qaıyrbek О́skenbaev jáne «Qazaqstan temir joly» ulttyq kompanııasynyń tóraǵasy Nurlan Saýranbaev PSA kompanııasymen birlesken jumystardyń perspektıvasyna qatysty óz oılarymen bólisti.
