Alqaly jıynnyń ashylýy saltanatyna Túrki memleketter uıymynyń Bas hatshysy Baǵdat Ámireev, Qazaqstan halqy Assambleıasy tóraǵasynyń orynbasary - Qazaqstan Respýblıkasy Prezıdenti Ákimshiliginiń Qazaqstan halqy Assambleıasy hatshylyǵynyń meńgerýshisi Marat Azılhanov, Halyqaralyq Túrki Akademııasynyń prezıdenti - «Egemen Qazaqstan» RG» AQ Basqarma tóraǵasy Darhan Qydyráli, Ázerbaıjan Respýblıkasy Mıllı Medjılısiniń tóraǵasynyń orynbasary, Ázerbaıjan-Qazaqstan parlamentaralyq baılanys jónindegi jumys tobynyń jetekshisi Adıl Alıev, Sh.Ýálıhanov atyndaǵy Tarıh jáne etnologııa ınstıtýtynyń dırektory Zııabek Qabyldınov, Grýzııa parlamentiniń depýtaty, Qazaqstan-Grýzııa parlamentaralyq baılanystar jónindegi jumys tobynyń jetekshisi Tarıel Nakaıdze, sondaı-aq baýyrlas elderdiń kórnekti memleket jáne qoǵam qaıratkerleri, depýttar men belgili qoǵam belsendileri, dıaspora ókilderi men ǵalymdar qatysty.
Is-sharaǵa Qazaqstan Respýblıkasy Aqparat jáne qoǵamdyq damý mınıstrligi «Qoǵamdyq kelisim» respýblıkalyq memlekettik mekemesiniń dırektory Ǵalymjan Qusmanǵalı moderatorlyq etti.
Jıynda ótken ǵasyrda repressııa men halyqtardy jer aýdarý saıasaty saldarynan baýyrlas halyqtardyń basyna túsken náýbet jyldar týraly sóz qozǵaldy.
Konferensııa qatysýshylary Túrki Akademııasy men Qazaqstan Halqy Assambleıasy birlesip atqarǵan ortaq jumystaryna erekshe qyzyǵýshylyq bildirdi.
«Táýelsizdiktiń alǵashqy jyldary qurylǵan Qazaqstan halqy Assambleıasynyń ókilderi Qazaqstandy turaqtylyq pen tatýlyqtyń, túsinistik pen kelisimniń aralyna aınalýyna óz úlesterin qosyp, túrki áleminiń de damýyna zor yqpal etip keledi. Al Túrki Akademııasy Qazaqstan Halqy Assambleıasymen birlesip, taǵdyrlas, baýyrlas halyqtardyń baılanystaryn bekemdep, rýhanı yntymaqtastyǵyn arttyrý baǵytynda birqatar jobalardy júzege asyrdy», dedi Darhan Qydyráli óz sózinde.
