Qazir ol 700 myńǵa jýyq qurtty ósirip otyr. Qurttardy Reseıden aldyrǵan.
– Bul – óte sezimtal jándik. Baptap júrgen ıesin tanıdy. Bóten adam kelse, mazasyzdanǵanyn baıqaımyn. Qurttardy ósirý úshin erinbeý kerek, – deıdi Qonysbaı Tájibaev.
Onyń aıtýynsha, jaýynqurt kúbirde ósedi. Sol sebepten, maldyń tezegin taza sýmen shaıyp, ammıak qyshqylynan tazartady. Sóıtip, ony bıogýmýsqa aınaldyryp, qurttardy jiberedi.
– Jaýynqurt ylǵaldy jaqsy kóredi. Oǵan jemtik retinde qaǵaz qaldyqtary men qýraǵan japyraqty salamyn. Arnaıy orynnyń temperatýrasy +15-ten +25 gradýs aralyǵynda bolýy kerek. Al qysta 70 sm tereńdikke ósedi, – deıdi qurt ósirýshi jigit.
Endi Qonysbaı Tájibaevtyń qurt ósirý isin keńeıtpek oıy bar. О́ıtkeni oǵan balyqshylardan suranys artyp otyr. Qurt ósirýge qajetti kúbirdiń bir qapshyǵyn 500 teńgeden satyp alady.
Atyraý oblysy
