Elektrondyq bılet satý jetildirildi

Elimizde poıyz bıletin ınternet arqyly satyp alý tehnologııasy qoldanysqa engizildi. Bul álemdik tájirıbede bar ádis boıynsha bılet dıstansııalyq túrde resimdeledi. Qaǵaz túrindegi kóshirmesi prınterden shyǵarylady. Jolaýshynyń poıyzǵa otyrýy elektrondyq tirkelý arqyly júrgiziledi. Bul shara Astanada naýryzdyń 26-synda qanatqaqty joba retinde WWW.EPAY.RAILWAYS.KZ saıtynda bastaldy. «Búginnen bastap bul nusqa qanatqaqty joba retinde Almaty-Astana (001/002 poıyzy), Oral-Astana (057/058 poıyzy), Atyraý-Almaty (077/078 poıyzy), Aqtóbe-Astana (087/088) poıyzdaryna engizildi», dep habarlady «Qazaqstan temir joly» ulttyq kompanııasynyń ofısinde ótkizilgen baspasóz konferensııasynda «Aqparattyq tehnologııalar dıreksııasy» fılıalynyń dırektory Sergeı Nıkıtenko. Onyń sózine ılansaq, ınternettik bılet satýmen Qazaqstannyń barlyq óńiri 2015 jylǵa deıin qamtylatyn bolady. Kompıýter arqyly bılet satyp alǵan jolaýshy burynǵydaı kassaǵa barmastan, tikeleı poıyzǵa otyrar aldynda jolserikke kórsetip ol mobıldik termınal arqyly tirkeıdi. Munymen qatar, temirjol kassasy arqyly bılet satý da júrgiziledi. Elektrondyq bılet satý aınalymǵa engen kezde jolaýshy «Jolaýshylar tasymaly» AQ-tyń kassasyna barǵanda qolyna bılettiń kóshirmesin alady. Bul da aqy tóleý termınaly sııaqty tranzaksııa chegine uqsaıdy. Jol júrý qujatynda poıyzdyń barlyq málimetteri kórsetiledi. Onyń ishinde nómiri, baǵdary, vagonnyń nómiri, orny bári qamtylady. Bul aqparattar bıletti satyp alý kezinde jolseriktiń elektrondyq tirkeý quralynda kórinedi. Poıyzǵa otyrar aldynda jolaýshy fıskaldy bıletti nemese jeke kýáligin, tólqujatyn, kórsetip óz ornyna otyrady. Jańa tehnologııa – elektrondyq bılettiń sońǵy úlgisi. Bul óz kezeginde qaǵaz jol qujattarynan bas tartyp, jolaýshyǵa barynsha qolaıly jaǵdaı týǵyzady. Bılet satý avtomattandyrylady. Jolaýshylar sharýashylyǵynda jumys tıimdiligi jaqsarady. «Elektrondy bılet bir mezgilde salyq organdaryna moıyndalǵan fıskaldy chek retinde júredi. Sondyqtan da, mundaı jol júrý bıletteri issapar jónindegi esep berý kezinde resmı qujat retinde tanylady», dedi brıfıngte ulttyq kompanııanyń «Elektrondy bılet» jobasynyń menedjeri Ǵazız Dónenbaı. Jolaýshynyń úıde, jumys ornynda otyryp-aq kompıýtermen nemese ınterneti bar uıaly telefonmen de bılet alýyna bolady. Atalmysh jobany «Qazaqstan temir joly» UK» AQ, «Jolaýshylar tasymaly» AQ jáne ulttyq kompanııanyń «Aqparattyq tehnologııalar dıreksııasy» birlesip jasaǵan. Bul baǵdarlama Memleket basshysynyń Joldaýyna sáıkes, 2013 jylǵy qańtardyń 8-indegi qabyldanǵan «Aqparattyq Qazaqstan-2020» Memlekettik baǵdarlamasyna oraı jasalyp otyr. Ol mańyzdy baǵdarlama boıynsha 2017 jyly elektrondyq qujat aınalymy 40 paıyzǵa jetkizilse, 2020 jyly júz paıyzǵa oryndalýy tıis eken. Qazirdiń ózinde Astanadaǵy poıyz brıgadalary mobıldi regıstratormen jumys jasaýǵa úıretilip bolǵan. Olardyń óńirlerdegi áriptesteri de jańa tehnologııany ıgerýge kirisip jatqan kórinedi. Nurbaı ELMURATOV, «Egemen Qazaqstan».