«Elordada sportty damytý jáne nasıhattaý maqsatynda apta saıyn túrli sporttyq is-sharalar ótkiziledi. Jazda júgirý boıynsha úlken marafon ótkizýdi josparlap otyrmyz. Sonymen qatar, qaza tapqan Jaqsylyq Úshkempirovtiń qurmetine halyqaralyq týrnır ótedi. Jarysqa álemniń 10-nan astam elinen jas sportshylar qatysady. Buǵan deıin jeńil atletıkadan Azııa chempıonaty ótetin. О́kinishke qaraı, pandemııaǵa baılanysty keıinge qaldyryldy», dedi Samat Jylqybaev elordada ótken Qysqy trıatlon jarys barysynda.
Basqarma basshysynyń aıtýynsha, sońǵy jyldary elordada buqaralyq sport qarqyndy damyp keledi.
«Jyl saıyn qalada túrli deńgeıdegi 300-den astam buqaralyq sporttyq is-sharalar uıymdastyrylady. Jyl saıyn astanalyqtar arasynda salaýatty ómir saltyn ustanatyndar sany artyp keledi», dedi ol.
