Sotqa deıingi tergeý barysynda 2021 jylǵy qarashadan 2022 jylǵy aqpanǵa deıin Qostanaı qalasynda «EG» JShS ornalasqan elektr energııasyn tutynýdyń kúrt óskeni anyqtalǵan.
«Joǵaryda kórsetilgen kezeńde elektr energııasyn satyp alýǵa jumsalǵan boljamdy soma 32 185 617 teńgeni qurady (1 kVt/saǵ úshin 32 teńge tarıfi kezinde). Tekseris júrgizý barysynda osy aýmaqta sıfrlyq maınıngpen aınalysýǵa arnalǵan jabdyǵy bar eki konteıner tabyldy. Odan 180 dana – ınternet jelisinde paıdalaný jolymen krıpto valıýtasyn óndirýge arnalǵan «ASIC» markaly arnaıy jabdyq: «Whatsminer M20S» jáne «Avalon Miner 1166pro-81t» shyqty», delingen Qarjylyq monıtorıngi agenttiginiń habarlamasynda.
Tintý kezinde mamandandyrylǵan tehnıkasy bar konteınerlerdi jalǵa bergen kásiporyndar anyqtaldy. Olardyń quryltaıshylary - basqa óńirlerdiń (30%) jáne shetel (70%) azamattary.
