Elshiniń aıtýynsha, ǵalamtorda Kıev qalasynyń jabylǵany týraly jalǵan aqparat taraǵan. Ol Ýkraına astanasynan avtobýspen ýkraın-polıak shekarasyna deıin 40 adamdy shyǵarý josparlanǵanyn atap ótti.
«Qazaqstannyń Ýkraınadaǵy Elshiligi Kıevte, sondaı-aq, Lvov, Harkov, Odessa jáne Dneprde taǵy tórt qurmetti konsýldyǵy bar. Barlyq qurmetti konsýldar erikti negizde jumys isteıtinin atap ótemin, ıaǵnı olar bizdiń azamattarymyzdy Ýkraınadan polıak Katovısasyna óz esebinen tasymaldaýdy uıymdastyrady», dep túsindirdi QR Ýkraınadaǵy elshisi.
Elshi oǵan Ýkraınadan evakýasııalanǵan qazaqstandyqtardan túrli shaǵymdar kelip túsetinin atap ótti.
«Maǵan birinshi reıspen jiberýdi talap etken er adam keldi. Oǵan birinshi kezekte áıelder men balalar tasymaldanatynyn qalaı túsindirýge bolady?», dedi Darhan Káletaev.
Elshi evakýasııalaýdy suraǵan Qazaqstan azamattarynyń sanyn da atady.
«Qazirgi ýaqytta 657 qazaqstandyq Ýkraınadan evakýasııalaýǵa ótinish toltyrdy. Qazir bizdiń azamattarymyzdy tasymaldaıtyn alǵashqy repatrıasııalyq reıs Katovıseden ushýǵa daıyndalyp jatyr», dep qosty Darhan Káletaev.
Buǵan deıin 241 qazaqstandyq Polsha shekarasynan ótkeni belgili boldy.
