«Rasynda «Shalke 04» fýtbol klýbynyń dırektorlar keńesi baqylaý keńesiniń maquldaýymen «Gazprom» kompanııasymen seriktestikti merziminen buryn toqtatý týraly sheshim qabyldady. Atqarýshy keńes pen baqylaý keńesi bas demeýshiniń ókilderimen kelissóz júrgizedi jáne qosymsha aqparat belgilengen tártippen jarııalanady», delingen klýb taratqan resmı habarlamada.
Jalpy «Gazprom» 2007 jyldan bastap nemis komandasynyń demeýshisi boldy. Seriktestik qarym-qatynas ornatýdyń arqasynda «Gazprom» logotıpi klýbtyń sporttyq formasynyń aldyńǵy jaǵyna ornalastyrylǵan edi. Buǵan deıin «Shalke 04» fýtbol klýby kompanııanyń logotıpin óz formasynan alyp tastaıtynyn habarlaǵan bolatyn.
