Nur-Sultanda Roza Baǵlanovanyń 100 jyldyq mereıtoıyna arnalǵan ánshiniń ómir jolynan syr shertetin kórme uıymdastyryldy. Sondaı-aq Roza Baǵlanovaǵa arnalǵan músin tanystyryldy. О́ner týyndysynyń avtory – gıperrealıst músinshi Aıdos Esmaǵambetov.
Mádenıet jáne sport vıse-mınıstriniń habarlaýynsha, ánshiniń mereıtoıyna arnalǵan is-sharalar jospary bekitildi.
«Roza Baǵlanovanyń mereıtoıyna arnalǵan jospar 41 tarmaqtan turady. Qazaqstan óńirlerinde 400-ge jýyq is-shara ótkizý josparlanǵan, onyń ishinde respýblıkalyq deńgeıde 25 is-shara ótkiziledi. Al halyqaralyq deńgeıde 5 is-shara ótkizý kózdelgen», dedi Nurqısa Dáýeshov.
Ánshiniń ómiri men shyǵarmashylyq jolyna arnalǵan kórme «Qazaqkonsert» memlekettik konsert uıymy ǵımaratynda ashyldy.
«Kórmede aty ańyzǵa aınalǵan ánshiniń ónerdegi alǵashqy qadamdary men zor jetistikteri, soǵys jyldaryndaǵy qaısarlyǵy, azamattyq belgisi, ómiriniń jarqyn sátteri kórinis tapty. Jospar boıynsha 1 naýryzda Qazaqstannyń ortalyq konsert zalynda Roza Baǵlanovanyń 100 jyldyq mereıtoıyn merekeleýdiń resmı sharasy, óner sheberleriniń konserti ótedi. Odan keıin Nur-Sultan, Qyzylorda, Almaty qalalary jáne IýNESKO-men birlesip Parıjde, Máskeý qalalarynda merekelik konsert ótkizý josparlanǵan», dedi vıse-mınıstr.
Sonymen qatar Nur-Sultan qalasyndaǵy mýzyka mektepteriniń birine Roza Baǵlanovanyń esimin berý jáne ánshiniń bıýstin ornatý josparlanyp otyr.
Qyzylorda qalasyndaǵy ortalyq alańda boı kótergen Roza Baǵlanovanyń eskertkishi aldaǵy ýaqytta ashylady. Al 2022 jyldyń birinshi toqsanynda Almaty qalasynda Qaldaıaqov pen Tóle bı kósheleriniń qıylysynda Roza Baǵlanovanyń eskertkishi ornatylady.
«2021 jyly IýNESKO-nyń 41-shi Bas konferensııasynyń arnaıy qararymen 2022-2023 jyldarǵa arnalǵan Estelik datalar kúntizbesiniń tizimi qabyldanyp, oǵan Qazaqstannyń usynysymen ánshi Roza Baǵlanovanyń 100 jyldyǵy endi», dep habarlady Dáýeshov.
Sondaı-aq óńirlerde jyl boıy Roza Baǵlanovanyń mereıtoıyna arnalǵan festıvalder, konsertter, keshter, semınarlar, kórmeler, konferensııalar ótkiziledi.
Aıta keteıik, «Qazaqkonsert» ǵımaratynda 1, 3 jáne 6 naýryzda «Qazaqtyń qaharman qyzy», «Arnaý», «Qazaq degen halyqtyń erkesimin» konserti ótedi.
1 naýryzda ótetin konsertte elimizdiń tanymal ánshileri, jas ánshiler, Qyrǵyzstan, О́zbekstan, Belarýs memleketterinen kelgen ártister jáne Roza Baǵlanovanyń nemeresi Úrbıbi sahnada óner kórsetedi.
