Stopfake.kz. saıtynda aıtylǵandaı TikTok paıdalanýshysy mod.gov.kz logınimen ondaǵan beınerolıkterdi jarııalap úlgerdi. Beınerolıktiń bir bóligi QR Qarýly Kúshterimen baılanysty beıne jattyǵýlary men jańalyqtardan úzindiler.
«TikTok-tegi akkaýnt jalǵan jáne QR Qorǵanys mınıstrliginiń resmı akkaýnttaryna qatysy joq», dep atap ótti mınıstrliktiń baspasóz qyzmetinde.
Aıta ketý kerek, QR Qorǵanys mınıstrliginiń resmı saıtynda TikTok áleýmettik jelisi tizimde kórsetilmegen.
Buǵan deıin áleýmettik jelilerde qazaqstandyq áskerı qyzmetshilerdiń Ýkraınaǵa jiberiletini týraly aqparat taraǵan bolatyn. Bul da jalǵan aqparat.
«Qazaqstandyq áskerı qyzmetshilerdi Ýkraınaǵa nemese qandaı da bir basqa elge jiberý týraly eshqandaı aqparat bolmady. Jeke quramdy aýystyrýǵa, oqytýǵa, jattyqtyrýǵa baılanysty Qazaqstan Qarýly Kúshteriniń jaýyngerlik ázirligi men jaýyngerlik daıarlyǵyn arttyrý jónindegi is-sharalar josparly tártippen júrgiziledi» dep málimdedi QR Qorǵanys mınıstrliginiń baspasóz qyzmeti.
Aıana Toǵanbek
