«Zań jobasyna bir top Parlament depýtattary bastamashylyq jasady. Qujatta «múgedek» termınin «múgedektigi bar adam» dep ózgertý, múgedektigi bar balany sanatorııalyq-kýrorttyq emdeýge alyp júretin adamǵa joldama qunynyń 70 paıyzyn óteý, densaýlyq saqtaý uıymdarynda múgedektigi bar adamdarǵa birinshi kezekte qyzmet kórsetý kózdeledi. Sondaı-aq úshinshi toptaǵy múgedektigi bar adamdardy jekeshe notarıattyq is-áreketter jasaǵan kezde quqyqtyq jáne tehnıkalyq sıpattaǵy qyzmetterde aqy tóleýden bosatylǵan adamdar sanatyna engizý jáne múgedektigi bar adamdar quqyqtarynyń saqtalýyn qamtamasyz etetin basqa da normalar kózdeledi», dedi depýtat Jámılá Nurmanbetova Májilistiń jalpy otyrysynda.
Budan basqa, Qazaqstan aýmaǵynda anyqtalǵan adam saýdasynyń qurbany bolǵan sheteldikterge tegin medısınalyq kómektiń kepildik berilgen kólemin jáne arnaýly áleýmettik qyzmetterdi usyný jónindegi normalar eskerilgen.
«О́zgerister men tolyqtyrýlar 75 zańnamalyq aktige, 11 kodekske jáne 64 zańǵa engiziledi. Májilistiń Áleýmettik-mádenı damý komıteti zań jobasy boıynsha 2022 jylǵy 7 jeltoqsanǵa deıingi merzimde qorytyndy ázirleýge daıyn», dedi depýtat.
