BUU joǵarǵy komıssarynyń adam quqyqtary jónindegi basqarmasy (BUU AQJKB) Twitter-degi resmı paraqshasynda 24 aqpanda soǵys bastalǵannan beri Ýkraınada keminde 227 beıbit turǵyn qaza taýyp, 525 adam jaraqat alǵany týraly aqparat taratty.
«2022 jyldyń 24 aqpanynda Reseı Federasııasy Ýkraınaǵa qarsy soǵys qımyldaryn bastady. Sodan beri, ıaǵnı, 1 naýryz kúngi tún ortasyna deıin Ýkraınada 752 adam qaıtys boldy nemese jaraqat aldy. Sonyń ishinde 227 adam qaıtys boldy (31 er adam, 25 áıel, 6 ul jáne 3 qyz, sondaı-aq, jynysy áli anyqtalmaǵan 6 bala jáne 156 eresek) jáne 525 jaraly (42 er adam, 33 áıel, 7 qyz jáne 2 ul, sondaı-aq, jynysy áli anyqtalmaǵan 19 bala jáne 422 eresek)», delingen qujatta.
Beıbit turǵyndar arasynda qaza tapqan nemese jaraqat alǵan jaǵdaılardyń basym kópshiligi aýyr artıllerııa shabýylynan nemese reaktıv zymyrandardan jáne áýe soqqylarynan, jarylǵysh qurylǵylardan bolǵan.
BUU AQJKB naqty san áldeqaıda joǵary dep sanaıdy, bul aqparat qosymsha rastalýy qajet. Sondaı-aq, BUU resmı ókili soǵys qımyldary jalǵasyp jatqan keıbir jerlerden aqparat alý qıynǵa soǵyp jatqanyn aıtty.
