Naýryz merekesi kúnderi Kúnish Ahmedova ájeı 100-kóktemin kórdi. Keıýanany quttyqtaýǵa qalalyq ardagerler keńesiniń tóraǵasy Erenǵaıyp Shaıhýtdınov, Almaty qalasyndaǵy Medeý aýdanynyń ákimi Sultanbek Mákejanov pen osy aýdandaǵy ardagerler keńesiniń tóraǵasy Kım Serikbaev keldi.
Kúnish áje osy kúnge deıin úıine keletin birqatar basylymdardy oqyp otyrady eken. О́mirde bolyp jatqan búkil oqıǵalardan habardar jáne osyǵan qatysty óz tujyrymdary da bar.
– Jurttyń bári bul kisini «aq mama» dep ketken. Anamyz Reseıdegi qysqy aq Olımpıada kúnderi keshki asqa jınalǵanda, oqyp otyrǵan gazetterin jıystyryp qoıdy da: «Sochıge baıaǵyda sanatorııge barǵanmyn» degende bárimiz tań qaldyq. Ol kisiniń aqyl-esi bútin, sanasy oıaý, – deıdi qyzy Svetlana Sharafeddınqyzy.
Aqylman ájemiz áli de jasaı bersin. Degenmen, bul kisiniń uzaq jasap qana qoımaı, densaýlyǵynyń da zeıininiń de zerdeli bolýynyń syry nede ekenin suramaı qalýǵa bola ma?!
– Anamyzdyń densaýlyǵynyń jaqsy bolýy – erik-jigeriniń myqtylyǵynda. Kez kelgen jáıtke kúıgelektenbeıdi. Qandaı jaǵdaı bolsa da, bári jaqsy bolady dep sońyn sabyrǵa salyp otyrady. Dárigerlerdiń aıtqanyn buljytpaı oryndaıdy. Mysaly, osydan 30 jyl buryn oǵan dárigerler qýyrylǵan tamaq, maıly sorpa ishpeýge keńes berse, ony anamyz 40 jyl boıy buljytpaı oryndap keledi, – deıdi balalary.
Kúnish Hasanqyzy Atyraý oblysynyń Teńiz aýdanynda dúnıege kelgen. Bala kezinde Astrahandaǵy mektep-ınternatta oqyǵan. Asharshylyq bastalǵan jyldary ol kisi halyq aǵartý isine qyzmetke keledi. Bul náýbetten aman qalǵan keıýana Uly Otan soǵysy jyldarynda kózi ashyq adam retinde tylda eńbek etip, alǵashqy memlekettik marapattarǵa ıe bola bastaǵan. El esin jınaı bastaǵan 50-shi jyldary Almatydaǵy Joǵarǵy partııa mektebi men Abaı atyndaǵy Qazaq pedagogıkalyq ınstıtýtynda bilim alady.
Osydan keıin atqarýshy bılik salasynda taban aýdarmaı 23 jyl halyqqa qyzmet etedi. Derbes zeınetkerlikke jetken eńbekqor jan birneshe ret aýdandyq jáne qalalyq máslıhattardyń depýtaty bolyp saılanady.
100-ge kelgen ájeniń saıasatqa jaqyndyǵynyń syry osyndaı. Kóziniń aǵy men qarasyndaı eki qyzy Lıýdmıla men Svetlana elge syıly, zııaly, oqymysty jandardyń qataryna qosyldy. Nemere-shóbereleri aldyn kesip ótken emes, ájelep aqyl surap otyrady.
Ǵasyr jasaǵan áje ári quttyqtap ári ákim retinde jaǵdaıyn suraı kelgen Alataý baýraıyndaǵy Medeý aýdanynyń ákimi Sultanbek Mákejanovqa da aq batasyn berip, alǵysyn aıtyp, ádemi dıdarlasyp, shyǵaryp saldy.
Aınash ESALI,
«Egemen Qazaqstan».
ALMATY.
Kúnish áje osy kúnge deıin úıine keletin birqatar basylymdardy oqyp otyrady eken. О́mirde bolyp jatqan búkil oqıǵalardan habardar jáne osyǵan qatysty óz tujyrymdary da bar.
– Jurttyń bári bul kisini «aq mama» dep ketken. Anamyz Reseıdegi qysqy aq Olımpıada kúnderi keshki asqa jınalǵanda, oqyp otyrǵan gazetterin jıystyryp qoıdy da: «Sochıge baıaǵyda sanatorııge barǵanmyn» degende bárimiz tań qaldyq. Ol kisiniń aqyl-esi bútin, sanasy oıaý, – deıdi qyzy Svetlana Sharafeddınqyzy.
Aqylman ájemiz áli de jasaı bersin. Degenmen, bul kisiniń uzaq jasap qana qoımaı, densaýlyǵynyń da zeıininiń de zerdeli bolýynyń syry nede ekenin suramaı qalýǵa bola ma?!
– Anamyzdyń densaýlyǵynyń jaqsy bolýy – erik-jigeriniń myqtylyǵynda. Kez kelgen jáıtke kúıgelektenbeıdi. Qandaı jaǵdaı bolsa da, bári jaqsy bolady dep sońyn sabyrǵa salyp otyrady. Dárigerlerdiń aıtqanyn buljytpaı oryndaıdy. Mysaly, osydan 30 jyl buryn oǵan dárigerler qýyrylǵan tamaq, maıly sorpa ishpeýge keńes berse, ony anamyz 40 jyl boıy buljytpaı oryndap keledi, – deıdi balalary.
Kúnish Hasanqyzy Atyraý oblysynyń Teńiz aýdanynda dúnıege kelgen. Bala kezinde Astrahandaǵy mektep-ınternatta oqyǵan. Asharshylyq bastalǵan jyldary ol kisi halyq aǵartý isine qyzmetke keledi. Bul náýbetten aman qalǵan keıýana Uly Otan soǵysy jyldarynda kózi ashyq adam retinde tylda eńbek etip, alǵashqy memlekettik marapattarǵa ıe bola bastaǵan. El esin jınaı bastaǵan 50-shi jyldary Almatydaǵy Joǵarǵy partııa mektebi men Abaı atyndaǵy Qazaq pedagogıkalyq ınstıtýtynda bilim alady.
Osydan keıin atqarýshy bılik salasynda taban aýdarmaı 23 jyl halyqqa qyzmet etedi. Derbes zeınetkerlikke jetken eńbekqor jan birneshe ret aýdandyq jáne qalalyq máslıhattardyń depýtaty bolyp saılanady.
100-ge kelgen ájeniń saıasatqa jaqyndyǵynyń syry osyndaı. Kóziniń aǵy men qarasyndaı eki qyzy Lıýdmıla men Svetlana elge syıly, zııaly, oqymysty jandardyń qataryna qosyldy. Nemere-shóbereleri aldyn kesip ótken emes, ájelep aqyl surap otyrady.
Ǵasyr jasaǵan áje ári quttyqtap ári ákim retinde jaǵdaıyn suraı kelgen Alataý baýraıyndaǵy Medeý aýdanynyń ákimi Sultanbek Mákejanovqa da aq batasyn berip, alǵysyn aıtyp, ádemi dıdarlasyp, shyǵaryp saldy.
Aınash ESALI,
«Egemen Qazaqstan».
ALMATY.
