Qazaqstan Respýblıkasy Úkimetiniń qaýlysy №271

2014 jylǵy 27 naýryz Astana, Úkimet Úıi Tirkelgen tarıfterdi aıqyndaý qaǵıdalaryn bekitý týraly «Jańartylatyn energııa kózderin paıdalanýdy qoldaý týraly» 2009 jylǵy 4 shildedegi Qazaqstan Respýblıkasynyń Zańy 5-babynyń 7-1) tar­maqshasyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan Tirkelgen tarıfterdi aıqyndaý qaǵıdalary bekitilsin. 2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri    S.AHMETOV. Qazaqstan Respýblıkasy Úkimetiniń 2014 jylǵy 27 naýryzdaǵy №271 qaýlysymen bekitilgen Tirkelgen tarıfterdi aıqyndaý qaǵıdalary 1. Jalpy erejeler 1. Osy Tirkelgen tarıfterdi aıqyndaý qaǵıdalary (budan ári - Qaǵıdalar) «Jańartylatyn energııa kózderin paıdalanýdy qoldaý týraly» 2009 jylǵy 4 shildedegi Qazaqstan Respýblıkasynyń Zańy (býdan ári - Zań) 5-babynyń 7-1) tarmaqshasyna sáıkes ázirlendi jáne jańartylatyn energııa kózderin paıdalaný obektileri endiretin elektr energııasyna tirkelgen tarıfterdi aıqyndaý tártibin belgileıdi. 2. Osy Qaǵıdalarda mynadaı negizgi uǵymdar paıdalanylady: 1) tirkelgen tarıf – jańartylatyn energııa kózderin paıdalaný obektileri óndirgen elektr energııasyn Zańda belgilengen tártippen esep aıyrysý-qarjy ortalyǵynyń satyl alýyna arnalǵan tarıf; 2) ýákiletti organ - jańartylatyn energııa kózderin paıdalanýdy qoldaý salasyndaǵy basshylyqty jáne salaaralyq úılestirýdi júzege asyratyn ortalyq atqarýshy organ; 3) jańartylatyn energııa kózderin qoldaý jónindegi esep aıyrysý- qarjy ortalyǵynyń elektr energııasyn satyp alý sharty (budan ári - satyl alý sharty) - satyp alýshy retindegi’ esep aıyrysý-qarjy ortalyǵy men satýshy retindegi energııa óndirýshi uıym arasynda jasalatyn jańartylatyn energııa kózderin paıdalaný obektileri óndirgen elektr energııasyn satyp alý-satý sharty. 4) jańartylatyn energııa kózderin qoldaý jónindegi esep aıyrysý- qarjy ortalyǵy (budan ári – esep aıyrysý-qarjy ortalyǵy) – júıelik operator quratyn jáne Qazaqstan Respýblıkasynyń Úkimeti aıqyndaıtyn, jańartylatyn energııa kózderin paıdalaný obektileri óndirgen jáne Qazaqstan Respýblıkasynyń biryńǵaı elektr energetıkasy júıesiniń elektr jelilerine berilgen elektr energııasyn Zańda kózdelgen tártippen ortalyqtandyrylǵan satyp alýdy jáne satýdy júzege asyratyn zańdy tulǵa; 5) bıomassa - bıologııalyq organıkalyq qazbaly emes materıaldar; 6) bıogaz - bıomassanyń ashýy nátıjesinde alynatyn metan, kómirtek monooksıdi jáne (nemese) sýtegi; 7) memlekettik statıstıka salasyndaǵy ýákiletti organ – óz quzyreti sheginde memlekettik statıstıka salasyndaǵy basshylyqty, sondaı-aq salaaralyq úılestirýdi júzege asyratyn memlekettik organ. Osy Qaǵıdalarda paıdalanylatyn ózge de uǵymdar men anyqtamalar Qazaqstan Respýblıkasynyń qoldanystaǵy zańnamasyna sáıkes qoldanylady. 3. Tirkelgen tarıfterdi ýákiletti organnyń usynysy boıynsha Qazaqstan Respýblıkasynyń Úkimeti jańartylatyn energııa kózderiniń mynadaı túrleriniń árqaısysy úshin bekitedi: 1) kún sáýlesiniń energııasy; 2) jel energııasy; 3) sýdyń gıdrodınamıkalyq energııasy; 4) bıogazdy paıdalaný arqyly alynǵan energııa. 4. Qazaqstan Respýblıkasynyń Úkimeti buryn bekitilgen tirkelgen tarıfterdiń deńgeılerin úsh jylda bir ret túzetýge quqyly. 5. Qazaqstan Respýblıkasy Úkimetiniń bekitilgen tirkelgen tarıfterdi túzetý týraly aktisi Qazaqstan Respýblıkasynyń búkil aýmaǵynda taratylatyn merzimdi baspasóz basylymdarynda memlekettik jáne orys tilderinde alǵashqy resmı jarııalanǵanynan keıin bir jyldan soń qoldanysqa engiziledi. 6. Qazaqstan Respýblıkasy Úkimetiniń bekitilgen tirkelgen tarıfterdi túzetý týraly aktisi qoldanysqa engizilgen sátke deıin esep aıyrysý-qarjy ortalyǵymen jasalǵan qoldanystaǵy satyp alý sharttaryna qoldanylmaıdy. 2. Tirkelgen tarıfti aıqyndaý tártibi 7. Ýákiletti organ álemniń basqa memleketterinde qoldanylatyn jańartylatyn energııa kózderin paıdalaný esebinen óndiriletin elektr energııasyna tarıfterdi salystyryp taldaý jolymen tirkelgen tarıfterdi bekitý boıynsha usynystardy qalyptastyrady. Memleketter tizbesin ýákiletti organ jańartylatyn energııa kózderin paıdalaný salasynda qyzmetin júzege asyratyn jeke kásipkerlik sýbektileriniń akkredıttelgen birlestikterimen jáne Qazaqstannyń Ulttyq kásipkerler palatasymen kelisim boıynsha aıqyndaıdy. 8. Ýákiletti organ tirkelgen tarıfterdi bekitý boıynsha usynystardy qalyptastyrý kezinde mynadaı faktorlardy da esepke alady: 1) Qazaqstan Respýblıkasynda elektr energııasyn óndirý jáne ony Qazaqstan Respýblıkasynan tys jerlerden satyp alý kórsetkishteri; 2) Qazaqstan Respýblıkasynda elektr energııasyn tutyný jáne ony Qazaqstan Respýblıkasynan tys jerlerde  satý kórsetkishteri; 3) Qazaqstan Respýblıkasynda jańartylatyn energııa kózderin paıdalaný obektileriniń elektr energııasyn endirý kórsetkishteri; 4) parnıktik gazdardyń shyǵaryndylaryn tómendetý boıynsha Qazaqstan Respýblıkasynyń halyqaralyq mindettemeleri; 5) Qazaqstan Respýblıkasynyń Memlekettik josparlaý júıesiniń qujattarynda kózdelgen nysanaly kórsetkishter; 6) tirkelgen tarıfterdi jyl saıyn kezekti ındeksasııalaýdyń bolýy. 9. Tirkelgen tarıfter teńgemen bekitiledi. 10. Ýákiletti organnyń tirkelgen tarıfti bekitý boıynsha usynysyn Qazaqstan Respýblıkasynyń Úkimetine engizgenge deıin ýákiletti organ, jańartylatyn energııa kezderin paıdalanýdy qoldaý salasyndaǵy memlekettik saıasatty iske asyrý jónindegi ýákiletti organ, tabıǵı monopolııalar salasyndaǵy ýákiletti organ, strategııalyq jáne bıýdjettik josparlaý salasyndaǵy ýákiletti organ, Qazaqstannyń Ulttyq kásipkerler palatasy, sondaı-aq dástúrli jáne jańartylatyn› energetıka salasynda qyzmetti júzege asyratyn  jeke kásipkerlik sýbektileriniń akkredıttelgen birlestikteri ókilderiniń qatysýymen qoǵamdyq tyńdaýlarda talqylaý qajet. 11.Tirkelgen tarıfter ınflıasııany eskere otyryp, jylyna bir ret 1 qazanǵa mynadaı formýla boıynsha ındeksteledi: T1+1 – T1  * TBI, mundaǵy: T1+1 – joǵaryda kórsetilgen formýla boıynsha eseptelgen tómendeý jaǵyna qaraı tolyq tıynǵa deıin dóńgelektelgen ındekstelgen tirkelgen tarıf; T1  – eger buryn ındeksteý júrgizilgen bolsa, solardy eskere otyryp, Qazaqstan Respýblıkasynyń Úkimeti bekitken qoldanystaǵy tirkelgen tarıf; TBI - memlekettik statıstıka salasyndaǵy ýákiletti organnyń derekteri boıynsha aıqyndalatyn ındeksteý júrgizilgen jyldyń 1 qazanynyń aldyndaǵy on eki aıǵa jınaqtalǵan tutyný baǵasynyń ındeksi. 12. Tirkelgen tarıfterdi ındeksteý esebin esep aıyrysý-qarjy ortalyǵy jyl saıyn 10 qazanǵa deıin júzege asyrady. 13. Tirkelgen tarıfterdi ındeksteý esebin jáne ındekstelgen tirkelgen tarıfterdi esep aıyrysý-qarjy ortalyǵy óziniń resmı ınternet-saıtynda tıisti jylǵy 15 qazannan keshiktirmeı jarııalaıdy. 14. Indekstelgen tirkelgen tarıfterdi esep aıyrysý-qarjy ortalyǵy ındeksteý júrgizilgen jyldan keıingi jyldyń 1 qańtarynan bastap paıdalanýǵa tıis. 15. Osy Qaǵıdalarda kózdelgen tirkelgen tarıfterdi ındeksteý tártibi ózgergen jaǵdaıda, esep-aıyrysý qarjy ortalyǵymen jasalǵan qoldanystaǵy satyp alý shartynyń tarapy bolyp tabylatyn energııa óndirýshi uıym mynadaı nusqalardyń bireýin tańdaýǵa quqyly; 1) óziniń esep aıyrysý-qarjy ortalyǵymen qatynastaryńda tirkelgen tarıfterdiń jańa ındeksteý tártibin paıdalanýǵa kelisý, bul týraly energııa óndirýshi uıym Qazaqstan Respýblıkasynyń tıisti aktisi qoldanysqa engizilgen kúnnen bastap kúntizbelik bir aı ishinde ýákiletti organdy habardar etýge mindetti. Bul rette tirkelgen tarıfterdiń jańa ındeksteý tártibi Qazaqstan Respýblıkasy Úkimetiniń tıisti aktisi qoldanysqa engizilgen kúnnen bastap tıisti satyp alý sharty boıynsha energııa óndirýshi uıym men esep aıyrysý-qarjy ortalyǵynyń qatynastaryna paıdalanylady; 2) tıisti satyp alý sharty boıynsha energııa óndirýshi uıym men esep aıyrysý-qarjy ortalyǵynyń qatynastaryna qoldanylatyn tirkelgen tarıfterdi ındeksteý tártibin ózgerissiz qaldyrý týraly sheshim qabyldaý. Energııa óndirýshi uıymnan Qaǵıdalardyń osy tarmaǵyna sáıkes tańdaǵan nusqa týraly habarlama bolmaǵan jaǵdaıda ne Qaǵıdalardyń osy tarmaǵynyń 1) tarmaqshasynda kózdelgen habarlama berý merzimi buzylǵan jaǵdaıda, Qaǵıdalardyń osy tarmaǵynyń 2) tarmaqshasy paıdalanylady.