Keńes barysynda ulttyq qaýipsizdikti qamtamasyz etý, elimizdegi quqyqtyq tártipti kúsheıtý, sondaı-aq uıymdasqan qylmyspen kúrestiń ózekti máseleleri talqylandy.
Qasym-Jomart Toqaev shuǵyl áreket etý jáne vedomstvoaralyq úılestirý mindetterine erekshe nazar aýdardy. Quqyq qorǵaý organdary men arnaýly qyzmetterdiń ózara tıimdi is-qımyly qaýipsizdikke tónetin qaterdi der kezinde anyqtap, aldyn alýǵa múmkindik beredi.
Prezıdent qazirgi jaǵdaıda azamattardyń qaýipsizdigin tolyq qamtamasyz etý jáne qoǵam men memlekettiń múddesin qorǵaý asa mańyzdy ekenin atap ótti.
Jıyn qorytyndysy boıynsha ulttyq qaýipsizdikti qamtamasyz etý júıesin nyǵaıtýǵa, qoǵamdyq tártipti qorǵaýǵa jáne qylmyspen kúreske baǵyttalǵan qosymsha sharalar qabyldaý jóninde naqty tapsyrmalar berdi.
