Sharada 200-den astam «Bolashaq» baǵdarlamasynyń túlekteri, Prezıdent jastar kadrlyq rezerviniń músheleri, elimizdiń túkpir-túkpirinen belsendi názik jandar qatysty.
Forýmdy «Bolashaq» halyqaralyq stıpendııasy túlekteriniń qaýymdastyǵy, M.S.Nárikbaev atyndaǵy KAZGIýÝ Ýnıversıteti, KAZGUU Business School birlese uıymdastyrdy.
Forýmda áıelder men erler úshin eńbek naryǵyndaǵy teń múmkindikter, jalaqy, álemdik trendter jáne genderlik teńgerim máseleleri talqylandy. Talqylaý formatynda elimizdegi áıelderdiń áleýetin teń dárejede paıdalaný máselesi kóterildi.
Forým sońynda shara moderatory, QR Aqparat jáne qoǵamdyq damý vıse-mınıstri Aleksandr Danılov elimizde áıelder kóshbasshylyǵyn ilgeriletýdiń jáne áıelderdiń áleýetin paıdalanýdyń mańyzdylyǵyna toqtaldy.
«Bul baǵyttaǵy memlekettik saıasat belsendi, biraq biz áıelderge teń jaǵdaı jasaý maqsattaryna jetý úshin budan da kóp kúsh salýdy josparlap otyrmyz. Biz búgin synı suraqtardy kóterdik, biraq nátıjeli bolý úshin olarǵa naqty jaýaptar ázirleý kerek. Iаǵnı, bul memlekettik saıasatqa ótetin jaýaptar bolý kerek», dedi Aleksandr Danılov.
