Elimizde demalys kúnderi jel turyp, tuman bolýy múmkin

Respýblıkamyzda demalys kúnderi, ıaǵnı 29-30 naýryz aralyǵynda jel turyp, tuman bolýy yqtımal. Bul týraly «Qazgıdormet» memlekettik metoqyzmeti habarlady. «Kaspıı teńiziniń ústinde qalyptasqan sıklon  elimizdiń batys, ortalyq jáne soltústik oblystary arqyly Batys Sibirge qaraı jyljıdy. Osy sıklon saldarynan jer-jerlerde jaýyn-shashyn, kóktaıǵaq jáne tuman bolýy múmkin. Jeldiń ekpini sekýndyna 15-20 metrge deıin jetedi. Al 31 naýryz kúni respýblıkamyzdyń batysy men soltústiginde jeldiń ekpini sekýndyna 18-23 metrge deıin, keı jerlerde onyń ekpini 28 metr bolady»,-delingen habarlamada. Osy sıklonǵa baılanysty 29-31 naýryz aralyǵynda  elimizdiń ońtústiginde jáne ońtústik-shyǵysta jańbyr men qar jaýýy yqtımal. Sondyqtan sınoptıkter atalǵan óńir turǵyndaryna jolǵa shyqqanda qaýipsizdik sharalaryna muqııat bolý kerektigin eskertedi. Ámirhan Almaǵanbetov. Derekkóz: «Qazgıdromet». Foto: www. E-Crimea.info.